USU krytyčna paškodzili Centr kaśmičnaj suviazi ŭ Husi-Chrustalnym za Maskvoju
Hienštab USU paviedamiŭ pra vyniki ŭdaru, naniesienaha ŭ noč na 22 červienia pa Centry kaśmičnaj suviazi «Uładzimir» kala horada Huś-Chrustalny va Uładzimirskaj vobłaści Rasii.
Pavodle ŭkrainskaha boku, u vyniku ataki była krytyčna paškodžanaja hałoŭnaja 25‑mietrovaja parabaličnaja antena kompleksu, a taksama antena, raźmieščanaja na dachu hałoŭnaha aparatna-prahramnaha kompleksu.
Taksama, jak śćviardžajecca, značnyja paškodžańni atrymała centralnaja častka hałoŭnaha aparatna-prahramnaha kompleksu, dzie znachodziacca zały sa spadarožnikavymi mademami i multypleksarami, a taksama centralny kamutacyjny vuzieł, da jakoha padviedzienyja vałakonna-aptyčnyja linii suviazi ź inšymi kaśmičnymi centrami.
Akramia taho, krytyčna paškodžany aparatna-techničny korpus №1. U im raźmiaščajucca pieradatačnyja i pryjomnyja kompleksy, centralnaja sistema kamutacyi kabielnych tras antennych pastoŭ centra, a taksama abstalavańnie dla astudžeńnia pieradatčykaŭ i elektroniki hałoŭnaj anteny kompleksu.
Kamientary