Dym bačny z boku chimičnaha zavoda ŭ Novamaskoŭsku.
U noč na 26 červienia žychary Novamaskoŭska Tulskaj vobłaści paviedamlali pra vialikuju kolkaść vybuchaŭ. Hubiernatar paćvierdziŭ, što ŭ horadzie jość «paškodžańni na pramysłovym pradpryjemstvie». Padraździaleńni supraćpavietranaj abarony źniščyli ŭ rehijonie 73 bieśpiłotnyja latalnyja aparaty.
Jak paviedamlaje Astra, paśla ataki byŭ zaŭvažany dym, mierkavana, z boku chimičnaha zavoda «Azot» — vytvorcy amijaku, azotnych uhnajeńniaŭ, a taksama vocatnaj i azotnaj kisłot, jakija mohuć vykarystoŭvacca dla vytvorčaści aktahienu i hieksahienu dla artyleryjskich snaradaŭ.
Razam z tym sistema manitorynhu pažaraŭ paśla ataki ŭ Tulskaj vobłaści zafiksavała pažar na Novamaskoŭskaj DRES, jakaja zabiaśpiečvaje ciapłom i haračaj vadoj bolš za pałovu žycharoŭ horada, paviedamlaje «Dožd́».
Kamientary