Расійскі Нобелеўскі лаўрэат заклікаў уключыць пункт пра палітвязняў у перамовы паміж Расіяй і Украінай
Лаўрэат Нобелеўскай прэміі міру Дзмітрый Муратаў звярнуўся да Дональда Трампа і Папы Льва XIV з просьбай уключыць у магчымыя перамовы паміж Расіяй і Украінай пункт пра палітвязняў.
Паводле Муратава, гаворка ідзе пра памілаванне і ўкраінскіх, і расійскіх вязняў: праціўнікаў вайны і прыхільнікаў «рускага свету». На думку Муратова, такі гуманны крок мог бы выратаваць сотні жыццяў і дапамагчы людзям, якія знаходзяцца за кратамі толькі за сваё меркаванне.
Раней Муратаў ужо заклікаў Расію і Украіну абмяняць грамадзянскіх зняволеных: «Калі ласка, аддайце адзін аднаму грамадзянскіх асоб. Тых, хто сядзіць ва Украіне за прыхільнасць да рускага свету, у абмен на тых, хто сядзіць у расійскіх турмах і лагерах за нязгоду з вайной. Але не было практыкі абмену ці ўзаемнага вызвалення — грамадзянскіх на грамадзянскіх. Ну трэба гэта пачынаць. Аддайце, пакуль яны жывыя. Ну пачніце з падлеткаў, жанчын, хворых, тых, у каго дзеці па дамах сядзяць».
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Не было. Слушна кажа.
Ёсць "ведамаснае" выцягванне і абмен сваіх ваяроў, шпегаў.
Цяжка з "не зусім сваімі" ваярамі, напрыклад, беларусамі на баку Украіны. І кажуць, што Расея не жадае афішаваць існаванне такіх, і не было чутак, што Украіна прынцыпова настойвае на такіх абменах.
"Партызаны" і грамадзянскія проста з антываеннай пазіцыяй таксама нікому не цікавыя.
Як бы яшчэ зрабіць "абменны фонд" з лукашыстаў у Еўропе, каб ён працаваў легальна і сістэмна.