У ЕС і ЗША паўтара года на падрыхтоўку да вайны з Кітаем і Расіяй — галоўнакамандуючы аб'яднанымі сіламі НАТА ў Еўропе
Алексус Грынкевіч дадаў, што з дапамогай Украіне будуць дзейнічаць як мага хутчэй.
У ЕС і ЗША ўсяго паўтара года на падрыхтоўку да вайны з Кітаем і Расіяй, лічыць генерал ваенна-паветраных сіл ЗША Алексус Грынкевіч, вярхоўны галоўнакамандуючы аб'яднанымі сіламі НАТА ў Еўропе. Ён мяркуе, што Уладзімір Пуцін і Сі Цзіньпін нанясуць удары па ЕС і Тайваню адначасова. Пры гэтым, кажа генерал, гэта можа адбыцца ў 2027 годзе, піша Bild.
Пра гэта Грынкевіч заявіў на сустрэчы вайскоўцаў і кіраўнікоў абароннай прамысловасці. Ён сказаў ім, што часу на падрыхтоўку мала і саюзнікам спатрэбіцца ўсё, што ёсць:
«Нам спатрэбіцца кожны асобны элемент абсталявання, увесь рыштунак і ўсе боепрыпасы, якія мы зможам атрымаць, каб быць гатовымі».
Паводле звестак Bild, у нямецкім урадзе таксама асцерагаюцца, што Расія можа неўзабаве атакаваць адну з малых дзяржаў усходняга флангу НАТА. Паколькі ЕС заяўляе публічна, што будзе па-сапраўднаму гатовы да абароны толькі да 2029 года, правакацыя з боку Пуціна, як лічыцца, магчымая раней, ужо пачынаючы з 2027 года.
Грынкевіч таксама абвясціў, што ў бліжэйшыя дні сустрэнецца з ваеннымі кіраўнікамі НАТА, каб абмеркаваць далейшую падтрымку Украіны, асабліва ў сферы СПА.
«Мы будзем дзейнічаць як мага хутчэй. […] Я не назаву ні рускім, ні каму-небудзь яшчэ дакладную колькасць узбраенняў, якія мы перакідваем, і калі гэта адбудзецца, але магу сказаць, што падрыхтоўка ідзе»», — сказаў генерал.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары