Праўда, у мінулым сезоне Мікіта Талапіла згуляў за «Ванкувер» толькі два матчы.
Генеральны менеджар клуба Нацыянальнай хакейнай лігі «Ванкувер Кэнакс» Патрык Альвін абвясціў пра падпісанне новага кантракта з беларускім галкіперам Мікітам Талапілам. Бакі ўзгаднілі ўмовы двухгадовага двухбаковага пагаднення, піша «Беларускі хакей».
У сезоне 2025/26 зарплата гульца складзе $775 000 пры гульні ў НХЛ і $230 000 у АХЛ. У сезоне 2026/27 — $775 000 у НХЛ і $380 000 у Амерыканскай хакейнай лізе ў «Абатсфордзе»
«Мікіта правёў добры год з пункту гледжання развіцця ў Абатсфордзе, — адзначыў Альвін. — Ён шмат працаваў над сабой і зрабіў крок наперад у станаўленні як прафесіянал. Мы працягнем падтрымліваць яго на шляху далейшага прагрэсу — як для самога гульца, так і для нашай арганізацыі».
У сезоне 2024/25 25-гадовы Талапіла правёў 36 матчаў за «Абатсфорд Кэнакс» (АХЛ), атрымаўшы 20 перамог пры 14 паразах і двух авертаймах. Яго каэфіцыент надзейнасці склаў 2.66, працэнт адбітых кідкоў — 90.2, а таксама чатыры «сухія» матчы. У плэй-оф ён згуляў адзін матч.
Таксама ў сезоне 2024/25 беларускі варатар дэбютаваў у НХЛ, правёўшы два матчы за «Ванкувер», атрымаўшы адну перамогу (1—1—0, 2.15, 88.5).
За два сезоны ў АХЛ Талапіла згуляў 71 матч, атрымаўшы 40 перамог (40—27—3), з паказчыкамі 2.74 і 90.3, а таксама чатырма шатаутамі.
Ураджэнец Мінска прадстаўляў зборную Беларусі на міжнароднай арэне, у тым ліку на чэмпіянатах свету сярод юніёраў 2017 і 2018 гадоў, моладзевых чэмпіянатах свету 2018, 2019 (срэбра) і 2020 (бронза) у дывізіёне 1А.
Талапіла падпісаў кантракт з «Кэнакс» як недрафтаваны вольны агент 31 сакавіка 2023 года.
Па заканчэнні кантракта стане неабмежавана свабодным агентам.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары