Еўрапейскія лідары спадзяюцца, што змогуць угаварыць прэзідэнта ЗША Дональда Трампа аднавіць продаж амерыканскай зброі Украіне. Пра гэта піша The Washington Post са спасылкай на трох еўрапейскіх чыноўнікаў.
Паводле слоў крыніц выдання, ёсць спадзяванне, што калі Еўропа або сама Украіна возьмуць на сябе фінансаванне закупак — напрыклад, праз пазыкі, — то Трамп можа даць зялёнае святло на пастаўкі ўзбраенняў.
Аднак гэта рашэнне залежыць і ад яго асабістых пажаданняў: у камандзе Трампа асцерагаюцца, што такая падтрымка Украіны можа выклікаць незадаволенасць у Крамлі і перашкодзіць магчымым перамовам з Расіяй.
Тым часам у НАТА мяркуюць, што пры цяперашнім стане Украіне хопіць рэсурсаў яшчэ прыкладна на год. Аднак украінская армія апынецца ў вельмі складанай сітуацыі, пераважна абараняючыся, з недахопам сродкаў супрацьпаветранай абароны, танкаў і ракет.
Раней планавалася сустрэча прэзідэнтаў Украіны і ЗША на саміце G7 у Канадзе, дзе Уладзімір Зяленскі хацеў абмеркаваць пастаўкі зброі. Аднак сустрэча так і не адбылася. Пры гэтым прадстаўнікі Кіева выказваюць упэўненасць, што Трамп усё ж ухваліць продаж узбраення.
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці43
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары
пазыки? кто будет зычиц? европейская страна или украина? если украна то никаких поставок не будет.