Ціханоўскі — беларусам: «Калі вы чакалі знак, то вось ён». Прайшла прэс-канферэнцыя з вызваленымі палітвязнямі
Адна з галоўных постацяў 2020 года Сяргей Ціханоўскі і 13 іншых палітвязняў выйшлі на волю 21 чэрвеня. Гэта стала магчымым у выніку візіту ў Мінск спецпрадстаўніка прэзідэнта ЗША Дональда Трампа Кіта Келага. Сёння ў Вільні прайшла прэс-канферэнцыя з імі.
Святлана Ціханоўская пачала прэс-канферэнцыю са слоў радасці ад таго, што яна зноў з Сяргеем і абяцання змагацца за вызваленне ўсіх астатніх вязняў, якія застаюцца ў зняволенні.
Ціханоўская падзякавала за вызваленне беларускіх палітвязняў прэзідэнту ЗША Дональду Трампу, генералу Келагу, уладам Літвы і Польшчы, а таксама кіраўніцтву Еўрапейскага саюза за падтрымку змагання беларусаў.
«Гэта наша супольная перамога», — сказала яна.
Пасля ўступу на беларускай мове яна перайшла на англійскую і паўтарыла падзякі па-англійску. «I want to personally thank President Donald Trump», — сказала яна.
Сяргей Ціханоўскі з'явіўся не адразу на прэс-канферэнцыі.
«Вось так я цяпер выглядаю. Я важу 79 кг», — сказаў ён.
Сваю прамову Сяргей Ціханоўскі пачаў з падзякі амерыканскім і еўрапейскім палітыкам.
Ён заявіў, што Дональд Трамп цяпер мае такую сілу, што адным словам можа вызваліць усіх палітвязняў. І папрасіў сказаць гэтае слова.
Ціханоўскі зноў красамоўны.
«Хачу звярнуцца да ўсіх беларусаў — калі вы чакалі знак, то вось ён. Дзяржавы гінуць тады, калі не могуць адрозніць кепскіх людзей ад добрых. Абвінавачанне, высунутае супраць ката, стала прысудам для ахвяры», — сказаў ён.
«Яны там называюць нас здраднікамі. А я назаву здраднікам кожнага, хто лукашызму не супраціўляецца», — заявіў ён.
«Юстыцыя ў Беларусі не памерла. У яе проста дзірка ў лобе», — дадаў ён.
«Жыве Беларусь!» — скончыў прамову Сяргей Ціханоўскі і паказаў сціснуты кулак.
Але калі Сяргея спыталі пра дзяцей, ён расплакаўся.
Дачка не пазнала яго, дадала Святлана.
Ціханоўскі кажа, што са студзеня ведаў, што яго выпусцяць.
У яго спыталі, ці не вызвалілі яго для таго, каб разваліць Офіс?
«Я планую не лезці ў дзейнасць Офіса» — адказаў Сяргей. Ён сказаў, што яму «ў вушы агенты КГБ улівалі дэзынфармацыю», але ён адчуваў, што яго дэзынфармуюць.
«Офіс там тым і тым займаюцца, крадуць… Я больш сумленнага чалавека, чым Святлана, у жыцці не сустракаў, я пальца яе не варты… А я ім ківаю: так, так, я ў газетах гэта чытаў…»
Ціханоўскі адназначна заявіў: «Лідарам апазіцыі з’яўляецца мая жонка — Святлана Ціханоўская, і я ні на што не збіраюся тут прэтэндаваць. Лідарам не можа быць чалавек, які пяць гадоў прасядзеў у ізаляцыі. Такіх лідараў, як я, у нас тысячы».
Было заўважна, што Сяргей не можа проста нагаварыцца.
Ён распавёў, што пачаў пісаць вершы і прадэкламаваў адзін.
Ціханоўскі лічыць, што вызваленне Беларусі не можа пачацца, пакуль не рухне пуцінскі рэжым. «Я цалкам згодны з тым, што вызваленне Беларусі не можа пачацца, пакуль не абрынецца пуцінскі рэжым. Абсалютна. Калі б не Пуцін, то мы б зараз тут не сядзелі б — усё б скончылася ў 2020 — 2021 годзе. Я ў гэтым абсалютна ўпэўнены», — сказаў ён.
У Ціханоўскага спыталі пра яго нібыта прарасійскасць і Крым.
Ён адказаў, што ніколі не быў прарасійскім палітыкам, заўсёды быў беларусам.
«У мяне быў бізнэс, у мяне былі офісы ў Маскве, Кіеве і кампанія ў Літве. І гэта ўсё. Я ніколі не быў прарасійскім, гэта фэйкі. Наш супольны вораг — гэта пуцінская ўлада. Пакуль яна не рухне, ніякай перамогі ў Беларусі не будзе», — заявіў ён.
Пра сваю паездку ў Крым у 2017 годзе ён кажа: я тады не быў палітыкам і не задумваўся пра палітычныя пытанні, я ездзіў туды як паломнік.
«Я абсалютна падтрымліваю Украіну. Прэзідэнту Зяленскаму выпала такая цяжкая доля. Вось тое, што я перажыў, гэта нішто ў параўнанні з тым, што ён перажыў. Ён для мяне герой. Я яго падтрымліваю абсалютна і безраздзельна», — сказаў ён.
Ціханоўскі расказаў падрабязнасці пра сустрэчу ў СІЗА КДБ у 2020 годзе
«Напішы, што ты не супраць, каб цябе адправілі за мяжу». Ціханоўскі распавёў, як да яго прыязджаў Пратасевіч
«Я знаходзіўся на рэжыме, які называецца «жэстачайшым». Ціханоўскі праз слёзы расказаў пра ўмовы ўтрымання палітвязняў
Ціханоўскі распавёў, колькі важыць і як яго адкормлівалі
«Кажу — прыеду і нікому там рукі не падам». Ціханоўскі расказаў, як рэагаваў на хлусню наконт жонкі і апазіцыі
«Вызваленне Беларусі не можа пачацца, пакуль не рухне пуцінскі рэжым» — Ціханоўскі
«Личинки в навозной куче не знают, что они в дерьме». Ціханоўскі прачытаў свой турэмны верш
«Мы павінны змагацца супраць лукашызму». Першая прамова Сяргея Ціханоўскага на волі
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары