39-гадовы харват пакіне «Рэал» пасля клубнага чэмпіянату свету па футболе ўлетку 2025 года ў сувязі са сканчэннем кантракту.
Як паведамляе Mundo Deportivo, харват гэтым летам пяройдзе ў «інтэр Маямі» на правах свабоднага агента.
Па словах крыніцы, уладальнік каманды Дэвід Бэкхэм з мінулага года спрабуе займець Модрыча. Акрамя таго, сам Ліянэль Месі нібыта папрасіў клуб падпісаць Луку ў «Інтэр Маямі».
Пагадненне будзе разлічана на адзін год — да ліпеня 2026 года да чэмпіянату свету па футболе. Заробак паўабаронцы складзе 2,5 мільёна даляраў.
Модрыч гуляў за «Рэал» з 2012 года, куды перайшоў з «Тотэнхема». У складзе мадрыдскага клуба выйграў шэсць Лігаў чэмпіёнаў і чатыры чэмпіянаты Іспаніі, заваяваў «Залаты мяч».
Лука, якому ў верасні споўніцца 40 гадоў, хацеў правесці яшчэ сезон у «Рэале», гэта хацеў і новы трэнер Хабі Алонса, але, відаць, кіраўніцтва клуба вырашыла не працягваць кантракт.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік35
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары