Аўтар расійскага «Коммерсанта» выбачыўся перад Лукашэнкам за тое, як апісаў ягоны прыезд на парад
Тэкст журналіста з пула Пуціна, рэпарцёра расійскага «Коммерсанта» Андрэя Калеснікава не задаволіў беларускага прапагандыста Рыгора Азаронка. На наступны дзень пасля скандалу Калеснікаў выбачыўся за свае словы.
Сёння ў тэлеграм-канале «Коммерсанта» з'явіўся допіс ад Калеснікава. У ім ён кажа, што не заўважыў, як Лукашэнка ўстаў, таму што сам «задыхаўся» пакуль бег з дворыка Крамля.
«Не, не ўбачыў. Так што варта прынесці прабачэнні прэзідэнту Беларусі. Справа сур'ёзная. Сам бы засмуціўся», — напісаў Калеснікаў.
У сваім рэпартажы пра парад у Маскве Калеснікаў згадаў, што Лукашэнка не стаяў, калі на Краснай плошчы праходзілі беларускія вайскоўцы. На гэта звярнуў увагу прапагандыст Рыгор Азаронак.
9 мая, падчас стрыму сваёй перадачы, Азаронак даў сабе волю, не стрымліваючыся ў выразах.
«Андрэй Калеснікаў, ты гнілы вяртлявы під*рас. І *уясос. Кончанае чмо і аблёваны ліберал. І ўся твая газетка гэтая «Буржуй» — туалетная папера…», — вяшчаў прапагандыст.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары