У сувязі са знікненнем Мельнікавай польская паліцыя правярае пагрозы на адрас Латушкі
У Народным актыкрызісным упраўленні расказалі пра дадатковую праверку пагроз, якія паступаюць на адрас кіраўніка НАУ і намесніка кіраўніцы Аб’яднанага пераходнага кабінета Паўла Латушкі. Гэта стала адказам на знікненне спікеркі Каардынацыйнай рады Анжалікі Мельнікавай, піша «Белсат».
«У сувязі са знікненнем Анжалікі Мельнікавай праваахоўныя органы Польшчы запрасілі дадатковыя даныя з мэтай ацэнкі патэнцыйных рызык і пагроз у адносінах да Паўла Латушкі», — паведамілі ў прэс-службе НАУ ў адказ на запыт карэспандэнта «Белсата».
Раней Павел Латушка і каманда НАУ заяўлялі, што перыядычна атрымліваюць пагрозы расправаю. У даркнэце нават была змешчана абвестка адносна таго, колькі каштуе жыццё палітыка. Праз гэтыя пагрозы пракуратура ў Польшчы пачала расследаванне злачынства паводле артыкулаў аб падбухторванні, забойстве і дзейнасці замежных спецслужбаў.
«Гэтыя пагрозы, якія вылічаюцца дзясяткамі, ажыццяўляюцца рознымі спосабамі публічнага і непублічнага характару. Пагрозы здзяйсняюцца не толькі ў Польшчы, але і на тэрыторыях іншых краін-сябраў ЕС. Варта адзначыць, што з верасня гэтага года колькасць пагрозаў значна павялічылася», — расказаў Латушка 20 снежня 2024 года пасля дачы паказанняў у Акруговай пракуратуры Варшавы.
Маці Анжалікі Мельнікавай: «Унукам кажу, што яна ў камандзіроўцы»
Латушка: Анжалікі Мельнікавай няма ні ў Польшчы, ні хутчэй за ўсё ў Беларусі
«Дзеці са мной». Журналісты дазваніліся да былога мужа Анжалікі Мельнікавай і спыталі, дзе можа быць спікерка КР
Лябедзька: Цуду не будзе — Мельнікава ў руках беларускага рэжыму
Каментары
[Зрэдагавана]