Пачатак новаму кварталу пакладзены. На Кальцова зносяць двухпавярховікі
У Мінску грунтоўна ўзяліся за аб’екты, якія ў розныя перыяды часу былі прызначаныя пад знос: будынкі, збудаванні, прыватны сектар і гэтак далей.
Нядаўна работы пачаліся ў раёне вуліцы Кальцова. Тут замест некалькіх двухпавярховак плануецца пабудаваць цэлы квартал шматкватэрных дамоў. І гэты план ужо пачалі ажыццяўляць, піша Onliner.by.
Вялікі ўчастак малапавярховай забудовы знаходзіцца ў межах вуліц Кальцова, Шырокай, Усходняй і Лагойскага тракта. Пераважна гэта двухпавярхоўкі, узведзеныя ў канцы 1950‑х — пачатку 1960‑х гадоў. Многія з іх жылыя, а некаторыя выкарыстоўваюцца пад офісы і канторы.
У мінулым годзе адбылося грамадскае абмеркаванне горадабудаўнічага праекта, паводле якога прапаноўвалася знесці 25 будынкаў у гэтым раёне, што вычарпалі свой рэсурс. Прайшло не так шмат часу, і задуманае ўжо ажыццяўляецца.
Якой будзе ўся гэтая тэрыторыя ў перспектыве?
Асвойваць яе будуць паэтапна. Некалькі дзясяткаў двухпавярховых дамоў павінны саступіць месца «жылой шматкватэрнай забудове з убудавана-прыбудаванымі аб’ектамі грамадскага прызначэння». Згадвалася, што дамы будуць мець «высокі ўзровень архітэктурна-планіровачнага рашэння».
У цэлым каля Лагойскага тракта з’явіцца 991 новая кватэра агульнай плошчай амаль 70 тыс. квадратных метраў. Разліковы тэрмін ажыццяўлення праекта — да 2030 года.
Мяркуючы па пашпарце аб’екта, на першым вызваленым участку запланавана адна новабудоўля. Забудоўшчыкам пазначана УКБ Савецкага раёна. Завяршыць будаўніцтва плануюць аператыўна — у ліпені 2027 года.
Для каго менавіта будзе прызначана жыллё — тых, хто стаіць на ўліку як маючы патрэбу ў паляпшэнні жыллёвых умоў, ці ўсіх ахвотных, — пакуль застаецца толькі гадаць.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары