Паўліна Гошу, які знік у Гомельскім раёне, знайшлі. Пра гэта паведаміла ў сацсетках яго гаспадыня Таццяна, заўважыла выданне Times.by.
Птушка ўцякла з двара 8 кастрычніка ў пасёлку Цагельня пад Гомелем. Гаспадары адразу заўважылі знікненне і пачалі пошукі, а таксама абвясцілі ўзнагароду таму, хто дапаможа знайсці Гошу.
Урэшце паўліна заўважылі мясцовыя жыхары: ён шпацыраваў уздоўж трасы на выездзе з горада. Людзі паведамілі пра знаходку гаспадарам.
Таццяна падзякавала ўсім неабыякавым за дапамогу ў пошуках і падтрымку. Яна паведаміла, што Гоша вярнуўся дадому і цяпер сям’я зноў жыве сваім звычайным спакойным жыццём.
У верасні ў Гомелі таксама шукалі паўліна. Тады птушку з пышным хвастом сфатаграфавалі работнікі вытворчага цэха на вуліцы Ландышавай. Пасля публікацыі здымкаў у сацыяльных сетках гаспадары хутка знайшліся і забралі гадаванца. Пазней высветлілася, што да гэтага яны шукалі зніклую птушку два дні.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары