«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
Былы спецыяльны прадстаўнік прэзідэнта ЗША Дональда Трампа па Украіне Кіт Келаг параіў Украіне працягваць атакаваць расійскія нафтаперапрацоўчыя заводы, нягледзячы на заклікі амерыканскага прэзідэнта Дональда Трампа спыніць такія ўдары. Сваю пазіцыю Келаг выказаў у інтэрв’ю Deutsche Welle 12 кастрычніка на палях канферэнцыі па бяспецы ў Варшаве.
Адказваючы на пытанне, як Уладзіміру Зяленскаму рэагаваць на заклікі Трампа не атакаваць расійскія НПЗ, Келаг адказаў: «Паліць нафтаперапрацоўчыя заводы».
Ён таксама не пагадзіўся з меркаваннем, што развіццё падзей у вайне можа пачаць складвацца на карысць Расіі, у тым ліку праз дамоўленасць паміж Масквой і Вашынгтонам аб пастаўках расійскага дызельнага паліва ў ЗША.
Паводле яго слоў, гаворка ідзе пра нязначныя аб’ёмы паліва. Ён лічыць, што гэтая дамоўленасць у большай ступені абумоўленая ўнутранымі прычынамі ў ЗША і закліканая прадэманстраваць, што прымаюцца пэўныя меры.
Былы спецпрадстаўнік Трампа таксама адхіліў сцвярджэнні, што амерыканскі прэзідэнт здрадзіў Украіне. Келаг заявіў, што не разумее такіх абвінавачанняў і лічыць іх памылковымі.
У якасці аргумента ён звярнуў увагу на тое, што еўрапейскія краіны працягваюць закупляць расійскія энергарэсурсы. Паводле прыведзеных ім лічбаў, на расійскую нафту прыпадае каля 3% еўрапейскіх закупак, а з Расіі па-ранейшаму паступае 15% звадкаванага прыроднага газу, які імпартуе Еўропа. Келаг задаў рытарычнае пытанне, ці не азначае гэта, што Еўропа таксама здраджвае Украіне.
«Лукашэнку нельга назваць нават малодшым партнёрам Пуціна». Кіт Келаг расказаў пра ролю Лукашэнкі ў перамовах ЗША і Расіі
Кіт Келаг параіў Пуціну, як ён можа вельмі хутка завяршыць вайну
Зяленскі: Пасля абвешчанага Трампам перамір'я Украіна ніводнага разу не ўдарыла па НПЗ, а Расія — шэсць разоў па энергетычных аб'ектах
Камандуючы НАТА Грынкевіч: У выпадку нападу Расіі ўдары будуць нанесеныя па Беларусі, Калінінградзе і Пецярбургу
Адміністрацыя Трампа пагражае заблакаваць пастаўкі зброі Украіне з-за атак на расійскія НПЗ
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла14
Каментары