Цяжарная беларуска выйшла ў Гданьску на адзіночны пікет супраць доўгай выдачы ДНЖ. Яна чакае ўжо больш за 470 дзён
Нават выйграны суд пакуль не зрушыў справу.
Беларуска ўжо другі раз выйшла на адзіночны пікет каля ваяводскага ўпраўлення ў Гданьску, заўважыў MOST.
На яе плакаце — гісторыя сям’і, раздзеленай чаканнем дакументаў:
«У Беларусі — пажылы бацька з інваліднасцю. У Польшчы — муж і маленькае дзіця. Выезд да бацькі — немагчымасць вярнуцца да сям’і. Каго я павінна выбраць: бацьку ці дзіця? Упраўленне гэта не хвалюе».
Аляксандра падала заяву на дазвол на жыхарства на падставе ўз’яднання сям’і. Цяпер яна чакае другое дзіця. Паводле яе, надзеі наведаць бацьку перад родамі ўжо няма.
Яна разглядала магчымасць выехаць у Беларусь і атрымаць там польскую візу для вяртання. Але ў чаргу на візу стала яшчэ 10 чэрвеня і дагэтуль чакае. Лісты консулу з медыцынскімі дакументамі і скарга ў польскі МЗС пакуль не дапамаглі.
Жанчына таксама звярнулася ў суд са скаргай на бяздзейнасць ведамства. Паводле Аляксандры, суд падтрымаў яе па ўсіх пунктах, асобна адзначыў абставіны сям’і і пацвердзіў, што дакументы ў парадку.
Цяпер яна чакае вяртання матэрыялаў справы з суда ва ўпраўленне, каб тое працягнула яе разгляд. Аднак, як паведаміла беларуска ў Threads, запыт на вяртанне справы ў суд яшчэ не паступіў, хоць чыноўнікі абяцалі накіраваць яго на мінулым тыдні.
«Я не чакаю хуткіх вынікаў, я толькі збіраю і фіксую факты», — напісала Аляксандра пасля другога пікета.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
а дзе салідарнасць ваша Беларусы ?