У Шклове перад «Дажынкамі» зафарбавалі знакаміты дом з малітвамі
Фасад дома ў цэнтры Шклова, які гаспадар гадамі распісваў уласнымі малітвамі, пакрылі сіняй фарбай.
Як паведамляе «МогилевОнлайн», знакаміты дом на вуліцы Ленінскай зафарбавалі напярэдадні «Дажынак». Раней яго сцены былі амаль суцэльна пакрытыя рэлігійнымі надпісамі — ад падмурка да даху.
Раней журналісты выдання пабывалі ў доме і коратка пагаварылі з аўтарам надпісаў — Аляксандрам, які жыве разам з маці. Высветлілася, што малітвамі пакрытыя не толькі фасад, плот і гаспадарчыя пабудовы, але і сцены ўнутры, мэбля, столь. Тэксты малітваў мужчына таксама вышывае на адзенні.
Аляксандр складае іх сам: падчас малітвы адчувае прыліў думак і пачынае запісваць іх нібыта пад дыктоўку.
У сваіх тэкстах ён просіць літасці для «лёгкіх грэшнікаў» і пакарання для «непапраўных ворагаў».
Пра сябе Аляксандр выданню не распавядаў, але яго суседка, якая даўно яго ведае, расказала, што Аляксандр скончыў міліцэйскую школу, працаваў у Маскве, а пасля вяртання ў Шклоў служыў у міліцыі і быў вартаўніком у мясцовай турме. Паводле яе, мужчына стаў вельмі набожным пасля таго, як яго збілі «ці то зэкі, ці то хто». Але з таго часу ён нібыта стаў «такім набожным».
«Але ён абсалютна бяскрыўдны, а што на платах піша — то халера яго бяры. Ён нікому ніколі зла не зрабіў. Гэта вам любы мясцовы скажа», — запэўнівала жанчына.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
але ж... Хрыстосик... неяк не паважліва да бога... м?