Трамп можа адмовіцца ад камунікацыі з Пуціным да згоды Расіі спыніць агонь ва Украіне
Да гэтага прэзіджнт ЗША заяўляў, што плануе правесці чарговую тэлефонную размову з прэзідэнтам Расіі на гэтым тыдні.
Найбліжэйшае атачэнне прэзідэнта ЗША Дональда Трампа параіла яму не тэлефанаваць прэзідэнту РФ Уладзіміру Пуціну, пакуль той не пагодзіцца на поўнае спыненне агню ва Украіне, паведамілі NBC крыніцы ў Белым доме.
Да гэтага Трамп заяўляў, што плануе правесці чарговую тэлефонную размову з Пуціным на гэтым тыдні. Аднак прадстаўнікі адміністрацыі прэзідэнта паспрабавалі пераканаць яго ў тым, што на дадзены момант «званок — не найлепшая ідэя». Паводле слоў суразмоўцаў тэлеканала, новая тэлефонная размова Трампа з Пуціным пакуль не плануецца.
Пасля вяртання Трампа ў Белы дом ён двойчы званіў Пуціну — 12 лютага і 18 сакавіка. Другая размова была прысвечаная ўрэгуляванню ваеннага канфлікту ва Украіне. Па яе выніках Крэмль паведаміў, што Пуцін пагадзіўся на прапанову Трампа на 30 дзён адмовіцца ад удараў па аб’ектах энергетычнай інфраструктуры. У Кіеве таксама падтрымалі ініцыятыву, аднак атакі працягнуліся з абодвух бакоў.
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары