У Беларусі распаўсюдзяць Віфлеемскі агонь, але даставяць не з Віфлеема
Сёлета ўзброены канфлікт на Блізкім Усходзе перашкодзіў даставіць Агонь непасрэдна з Віфлеема.
Упершыню за ўсю гісторыю акцыі будзе распаўсюджвацца агонь, які з мінулага года захоўвалі аўстрыйскія скаўты. Каталіцкія скаўты Беларусі наведаюць больш за 140 рыма-каталіцкіх і грэка-каталіцкіх парафій, каб даставіць Віфлеемскі агонь міру, піша katolik.life.
У бліжэйшыя суботу і нядзелю, 21-22 снежня, ад гэтага сімвала Раства можна будзе запаліць лампады ў храмах, каб занесці ў свае дамы.
Сёлета ўзброены канфлікт на Блізкім Усходзе перашкодзіў даставіць Агонь непасрэдна з Віфлеема.
У месцы зямнога нараджэння Ісуса Хрыста другі год запар не будуць паўнавартасна адзначаць Каляды.
Таму ўпершыню за ўсю гісторыю акцыі будзе распаўсюджвацца Віфлеемскі агонь, які з мінулага года захоўвалі аўстрыйскія скаўты, гаворыцца на старонцы прыходу ў Варнянах.
У Беларусь традыцыйна перадаюць Віфлеемскі агонь польскія скаўты (харцары).
А 15 снежня сімвал Раства ўжо прыбыў ва Украіну — у грэка-каталіцкай царкве Ужгарада адбылася цырымонія перадачы агню міру ўкраінскім пластунам ад скаўтаў Славакіі.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары