Лукашэнка працягвае гаварыць пра «Арэшнік»: Цэлі вызначаць будзем мы ў Беларусі, не расіяне
У Беларусі каля 30 пляцовак для магчымага размяшчэння «Арэшніка», — ад іх павінна быць мінімальная адлегласць да аб'ектаў паражэння. Пра гэта заявіў Лукашэнка падчас паездкі ў Барысаў, піша БелТА.
«Усё гэта прадумана сёння. Мы цяпер думаем, дзе, на якіх плошчах размясціць гэтую зброю. У нас ад размяшчэння стратэгічных ядзерных ракет пляцоўкі захаваныя», — сказаў ён.
«У нас дзясяткі тры такія пляцоўкі. Вось мы абярэм, бо там мінімальная адлегласць да аб'ектаў паражэння павінна быць. Размесцім і нацэлім. Вы, напэўна, заўважылі, што мая ўмова Пуціну была адна:
«Цэлі вызначаць будзем мы ў Беларусі, не расіяне. Але эксплуатаваць дапаможаце». Гэта значыць разам будзем націскаць на кнопку, не дай божа, калі гэта трэба. Але цэлі будзем вызначаць мы. Пагадзіўся», — заявіў ён.
Лукашэнка сцвярджае, што ў «Арэшніку» ўся пускавая ўстаноўка беларуская, акрамя ракеты.
«Лакалізацыя найвышэйшая. Я яму [прэзідэнту Расіі] сказаў: «Мы не ставім пытанне аб ракеце. Калі трэба, будзем разам рабіць, у нас кампетэнцый дастаткова ў гэтым плане, будзем дапамагаць, як па атамнай станцыі. А пускавую ўстаноўку мы вырабім — МЗКЦ робіць. І больш сур'ёзныя рэчы робіць. Таму вось давайце разам рухацца», — распавёў Аляксандр Лукашэнка.
Ён дадаў, што чакае паставак «Арэшніка» ў другой палове 2025 года.
Варта адзначыць, што многія эксперты сумняюцца, што «Арэшнік» рэальна наяўны ў Расіі ў нейкай колькасці. Гучалі думкі, што гэта перадусім піяр-аперацыя, каб застрашыць Захад і прымусіць яго адмовіцца ад падтрымкі Украіны.
У НАТА і Пентагоне заявілі, што «Арэшнік» не зменіць ходу канфлікту ва Украіне.
Цяпер чытаюць
Арыштавалі прадстаўнікоў кампаніі Bayer у Беларусі15
Каментары
Мог бы рассказать, где продают такой, забористый боярышник.
Выделив площадки под"орешник" и ядерное, тактическое оружие, этот человек?, отдал Беларусь России и русскому миру на расстерзание, а белорусов сделал заложниками и мишенями в чужих войнах.