Łukašenka praciahvaje havaryć pra «Arešnik»: Celi vyznačać budziem my ŭ Biełarusi, nie rasijanie
U Biełarusi kala 30 placovak dla mahčymaha raźmiaščeńnia «Arešnika», — ad ich pavinna być minimalnaja adlehłaść da abjektaŭ paražeńnia. Pra heta zajaviŭ Łukašenka padčas pajezdki ŭ Barysaŭ, piša BiełTA.
«Usio heta pradumana siońnia. My ciapier dumajem, dzie, na jakich płoščach raźmiaścić hetuju zbroju. U nas ad raźmiaščeńnia stratehičnych jadziernych rakiet placoŭki zachavanyja», — skazaŭ jon.
«U nas dziasiatki try takija placoŭki. Voś my abiarem, bo tam minimalnaja adlehłaść da abjektaŭ paražeńnia pavinna być. Raźmieścim i nacelim. Vy, napeŭna, zaŭvažyli, što maja ŭmova Pucinu była adna:
«Celi vyznačać budziem my ŭ Biełarusi, nie rasijanie. Ale ekspłuatavać dapamožacie». Heta značyć razam budziem naciskać na knopku, nie daj boža, kali heta treba. Ale celi budziem vyznačać my. Pahadziŭsia», — zajaviŭ jon.
Łukašenka śćviardžaje, što ŭ «Arešniku» ŭsia puskavaja ŭstanoŭka biełaruskaja, akramia rakiety.
«Łakalizacyja najvyšejšaja. Ja jamu [prezidentu Rasii] skazaŭ: «My nie stavim pytańnie ab rakiecie. Kali treba, budziem razam rabić, u nas kampietencyj dastatkova ŭ hetym płanie, budziem dapamahać, jak pa atamnaj stancyi. A puskavuju ŭstanoŭku my vyrabim — MZKC robić. I bolš surjoznyja rečy robić. Tamu voś davajcie razam ruchacca», — raspavioŭ Alaksandr Łukašenka.
Jon dadaŭ, što čakaje pastavak «Arešnika» ŭ druhoj pałovie 2025 hoda.
Varta adznačyć, što mnohija ekśpierty sumniajucca, što «Arešnik» realna najaŭny ŭ Rasii ŭ niejkaj kolkaści. Hučali dumki, što heta pieradusim pijar-apieracyja, kab zastrašyć Zachad i prymusić jaho admovicca ad padtrymki Ukrainy.
U NATA i Pientahonie zajavili, što «Arešnik» nie źmienić chodu kanfliktu va Ukrainie.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Moh by rasskazať, hdie prodajut takoj, zaboristyj bojaryšnik.
Vydieliv płoŝadki pod"oriešnik" i jadiernoje, taktičieskoje oružije, etot čiełoviek?, otdał Biełaruś Rośsii i russkomu miru na rasstierzanije, a biełorusov sdiełał załožnikami i mišieniami v čužich vojnach.