Знайшлося яшчэ адно слова, якое гавораць па-руску беларусы, але не ведаюць расіяне
Дзяўчына апублікавала ў тыктоку відэа, на якім падзялілася адкрыццём, заўважыў Telegraf.news. Аказваецца, ёсць яшчэ адно слова, акрамя шуфлядкі, байкі ці буські, якое кажуць усе беларусы, але расіяне пра яго не маюць паняцця.
«Тэрміновае ўключэнне. Я вось нядаўна даведалася, што расіяне не ведаюць яшчэ аднаго слова, якое гавораць беларусы. Гэта не шуфлядка і не байка. Гэтае слова — флікер», — заявіла аўтарка роліка.
«Я дагэтуль у шоку», — напісала адна з карыстальніц у каментары, і рэзонна спыталася: «А як яны называюць флікер?»
Хтосьці адказаў, што «светоотражатель».
«Упершыню чую (з Піцера), а што гэта?» — пацікавілася расіянка.
«У мяне сяброўка ў дзяцінстве прыязджала да бабулі на лета з РФ, на слове «флікер» запала ў ступар. А потым і на слове «шуфлядка». Калі я папрасіла яе дастаць скотч з камоды, слова «скотч» яна таксама не зразумела», — расказала яшчэ адна карыстальніца.
«Не толькі расіяне. Я прыехала ў Казахстан, і ўсе былі збянтэжаныя, што ж гэта такое», — падзялілася іншая.
«Мой украінскі муж таксама не зразумеў, што я маю на ўвазе. Прыйшлося тлумачыць і гугліць» — адзначыў яшчэ хтосьці.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
+ перекулить