Мінчукі купілі дыпломы БНТУ. Усё раскрылася праз 5 гадоў — да іх па іншай справе прыйшлі сілавікі
Дыпломы здаліся ім падазронымі.
49-гадовага мінчука затрымалі па падазрэнні ў здзяйсненні злачынства. Падчас ператрусу ў яго дома сілавікі знайшлі дыплом БНТУ, які здаўся ім падазроным.
Мужчына адпірацца не стаў. Ён распавёў, што працаваў тэхнікам па рамонце і абслугоўванні ў адной з арганізацый Мінска. Для павышэння паўстала неабходнасць атрымаць вышэйшую адукацыю.
Па шэрагу прычын паступаць у ВНУ мужчына не стаў. З калегам па цэху яны вырашылі пайсці па больш хуткім шляху — замовілі дыпломы ў інтэрнэце. У аддзеле кадраў нічога не западозрылі — мужчыны атрымалі павышэнне і прапрацавалі пяць гадоў. Пакуль да аднаго з іх не прыйшлі сілавікі.
Экспертыза дыпломаў пацвердзіла, што бланкі дыпломаў выраблены не прадпрыемствам, якія ажыццяўляюць вытворчасць такой прадукцыі. Вадзяныя знакі, ахоўныя валокны, элемент юніграма і ўльтрафіялетавая абарона імітаваныя малюнкамі, выкананымі спосабам плоскага афсетнага друку, а таксама з дапамогай нанясення на паверхню фарбавальных рэчываў.
Цяпер у дачыненні да мінчукоў праводзіцца праверка.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары