Падчас фінальнага матчу Лігі чэмпіёнаў на поле выбег фанат гомельскага трэш-блогера
Фанат скандальна вядомага трэш-блогера Mellstroy, які паходзіць з Гомеля, выбег на поле падчас фінальнага матчу Лігі чэмпіёнаў паміж дортмундскай «Барусіяй» і мадрыдскім «Рэалам», які праходзіць на стадыёне «Уэмблі» ў Лондане.
Хлопец паспеў зрабіць сэлфі з гульцамі «Рэала» Джудам Белінгемам і Вінісіусам Жуніёрам, а затым яго затрымалі.
Раней Mellstroy абяцаў выплаціць 30 млн расійскіх рублёў (каля 333 тысяч еўра) таму, хто выбежыць на поле падчас фіналу Лігі чэмпіёнаў у футболцы з ягоным лагатыпам.
Перад гэтым, 21 сакавіка, прыхільнік Mellstroy выбег на поле падчас матчу Расія — Сербія на маскоўскім стадыёне «Дынама», выконваючы іншы чэлендж блогера. Але грошай за гэта ён, кажуць, не атрымаў. Увогуле гэта фірмовы стыль Mellstroy — абяцаць за нешта грошы, але пасля абяцанае не выконваць або выконваць толькі часткова.
Mellstroy — гэта ўраджэнец Гомеля Андрэй Бурым. Скандальную вядомасць ён атрымаў у 2020 годзе, калі падчас аднаго са сваіх стрымаў збіў дзяўчыну. Пасля гэтага на Бурыма завялі крымінальную справу. У выніку яму прызначылі паўгода выпраўленчых работ і штраф.
Некаторы час блогер жыў у Дубаі, а ў лютым гэтага года перасяліўся ў Турцыю. Там ён хаваўся ад заведзенай крымінальнай справы за ўхіленне ад службы ў арміі. Пасля ён змог вырашыць свае праблемы і вярнуўся ў Маскву, але ў хуткім часе яго зноў сталі пераследаваць, верагодна, па запыце Беларусі.
Гомельскага трэш-стрымера Mellstroy зноў шукае МУС Расіі. Імаверна, па запыце Беларусі
Беларускі трэш-блогер Mellstroy арганізаваў у Маскве дождж з грошай. Ён раскідаў над натоўпам 75 тысяч даляраў
Гомельскі блогер Mellstroy зноў адмовіўся плаціць паабяцаныя вялікія грошы за выкананне свайго дзівацкага жадання
Гомельскі ваенкам Крываносаў паабяцаў зрабіць з трэш-стрымера Mellstroy «годнага байца»
На гомельскага блогера, які збіў дзяўчыну ў жывым эфіры, завялі ў Маскве крымінальную справу
Прэзідэнт Літвы перадаў вітанне скандальна вядомаму беларускаму відэаблогеру. Як так выйшла?
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары
Такія людзі дапамагаюць (здатныя, адно пакліч яго, пазаві) любой дэмакратыі, а ня толькі ўвагу да лігаў чэмпіёнаў падаграюць
Наша Ніва, просьба да рэдакцыі, пільней сачыце за нашым самым знакамітым суайчыньнікам ўсіх часоў, што ён там збіраецца чарговаму науседзе ў вусны ўкласьці, адразу пішыце нам тут ў навінах