Латвія прапануе закрыць адзін з двух пунктаў пропуску на беларускай мяжы
Як заявіў начальнік Памежнай службы Латвіі, абстаноўка на граніцы сёння самая напружаная за тры гады.
Так як фіксуецца ўсё больш спроб нелегальнага перасячэння мяжы Латвіі з боку Беларусі, каб вызваліць больш чалавечых рэсурсаў для аховы мяжы, начальнік Дзяржаўнай памежнай аховы Латвіі Гунціс Пуятс прапанаваў закрыць адзін з двух памежных кантрольна-прапускных пунктаў — «Сіленэ» (з беларускага боку «Урбаны»), паведамляе lsm.lv.
Пуятс у эфіры Латвійскага радыё распавёў, што сітуацыя на мінулым тыдні выдалася, «напэўна, самай напружанай за ўсе тры гады пачынаючы з 2021-га». Паводле яго слоў, за тыдзень прадухілена незаконнае пранікненне ў Латвію 892 чалавек. І нельга выключаць таго, што асобным парушальнікам магло пашанцаваць, і іх не злавілі — хоць на ахову мяжы і кінутыя вялікія кадравыя рэсурсы самой памежнай аховы, Нацыянальных узброеных сіл і Дзяржпаліцыі.
Пуятс падкрэсліў, што Латвія для арганізатараў патоку нелегалаў, якія імкнуцца пранікнуць у ЕС, — цяпер мэта нумар адзін: відавочна, рэжыму Аляксандра Лукашэнкі (верагодна, што пасля кансультацый з Крамлём, удакладняе Латвійскае радыё) была пастаўлена задача накіраваць ціск нелегальнай міграцыі менавіта сюды.
На дапамогу латвійскім калегам ужо прыбыло 20 літоўскіх памежнікаў. Накіраваны і запыт на дадатковую дапамогу арміі.
Але Пуятс мае намер прапанаваць Кабінету міністраў яшчэ і закрыць КПП «Сіленэ», каб яго персанал таксама прыцягнуць да аховы мяжы. Тады легальна перасекчы мяжу з Беларуссю будзе можна толькі праз КПП «Патэрніекі» («Грыгароўшчына»).
Згодна з распрацаванымі інструкцыямі, калі сітуацыя не палепшыцца, наступным крокам стане поўнае закрыццё мяжы з Беларуссю, падкрэсліваюць латвійскія медыя.
Нагадаем, што на беларуска-літоўскай мяжы дзейнічаюць пасля двух закрытых чатыры пункты пропуску, на польскай застаўся адзін пункт пропуску для легкавых аўтамабіляў.
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць1
Каментары
Амаль усе белаусы славяць лупашэнку(лу) і пуціна(пу).
Вось такія беларусы за саюз (за Лу Пу) зразумела чаго едуць у ЕС.