Гісторыя33

У Полацку археолагі вядуць раскопкі на тэрыторыі стадыёна «Спартак». І ўжо маюць каштоўныя знаходкі

Студэнты Полацкага дзяржаўнага ўніверсітэта пад кіраўніцтвам старшага выкладчыка кафедры гісторыі і турызму Аляксея Коца праводзяць археалагічныя раскопкі на тэрыторыі стадыёна «Спартак», дзе калісьці размяшчалася старажытнае паселішча, а ў XVI стагоддзі быў пабудаваны Ніжні замак, паведамляе мясцовы сайт Gorod214.

Фота: ПДУ

Пры рэканструкцыі стадыёна «Спартак» запланаваныя будаўнічыя работы па замене пакрыцця, а перад гэтым неабходна правесці вывучэнне старажытнага помніка. Удзельнічаюць у даследаваннях студэнты-валанцёры спецыяльнасці «Геадэзія» пад кіраўніцтвам Аляксея Коца.

Пляцоўка стадыёна, як расказаў Аляксей Коц, раней не вывучалася. Раскопкі праводзіліся толькі на сумежных тэрыторыях, таму археолагі сутыкнуліся з задачай вызначэння захаванасці культурнага пласта і вызначэння храналагічных этапаў яго фармавання.

На гэтым этапе праводзіцца закладка шурфаў па ўсёй пляцоўцы стадыёна. Ужо раскрыта 7 пляцовак і папярэднія вынікі, па словах археолага, не могуць не радаваць. У прыватнасці, вызначана наяўнасць культурных слаёў як перыяду Полацкага княства, так і XVI-XVIII стагоддзяў.

Здзіўляе наяўнасць «мокрага» культурнага пласта, у якім дастаткова добра захоўваецца драўніна. Прысутнасць магутнага пласта гною XI стагоддзя дазволіла выявіць лясныя арэхі, насенне проса, маку і канопляў.

Таксама знойдзеныя каралі X-XII стагоддзяў, шыферныя прасліцы, гірка-разнавес, абутковыя падкоўкі, касцяная праколка, грузіла ткацкага станка, загатоўка для шахматнай фігуры, нацельны крыж XVIII стагоддзя, кулі 1812 года і іншыя артэфакты.

Шматлікія фрагменты ювелірных тыгляў могуць сведчыць пра прысутнасць на гэтай тэрыторыі ювелірнай вытворчасці. Пацвярджэннем служыць і знойдзены ў адным з шурфаў фрагмент залатога вырабу.

Усяго на плошчы 15 квадратных метраў ужо паднята з зямлі больш за 60 індывідуальных знаходак. Канцэнтрацыя артэфактаў сведчыць пра добрую захаванасць культурнага пласта і падкрэслівае неабходнасць правядзення шырэйшых археалагічных даследаванняў у гэтым важным гістарычным месцы.

Каментары3

  • Пан Ксялян
    02.08.2023
    Так выглядае беларуская навука: адзін дарослы і тры дзіцяці якія корпаюцца ў зямлі
  • Наркакантроль
    03.08.2023
    > насенне проса, маку і канопляў

    Опачкі ўсім стаяць
  • Максим Дизайнер
    06.08.2023
    [Рэд. выдалена]

Цяпер чытаюць

Абрынуліся руіны папулярнай у турыстаў сядзібы. Раней чыноўнікі адмовіліся яе выратоўваць — прычына можа здзівіць3

Абрынуліся руіны папулярнай у турыстаў сядзібы. Раней чыноўнікі адмовіліся яе выратоўваць — прычына можа здзівіць

Усе навіны →
Усе навіны

У Беларусі прызналі «экстрэмісцкім» ютуб-канал найбольшага партала Літвы4

«У жыцці кожнага чалавека ёсць учынкі, што не дадаюць яму гонару». Стрыжак пракаментаваў абвінавачанне ў рассыланні дыкпікаў37

Некалькі актывістак абвінавацілі Стрыжака: высылаў ім дыкпікі55

У Брэсце і Белаазёрску скардзяцца на шкодныя пахі і магчымыя выкіды з прадпрыемстваў1

Колькі цяпер каштуе кава — молатая, у зярнятах і распушчальная? Некаторыя цэны здзіўляюць17

У лесе пад Рэчыцай заўважылі дзікабраза ВІДЭА1

У Жодзіне бацьку самому давялося дапамагаць дзіцяці пасля адмовы дактароў10

Беларускі стэндапер выступіў у акупаваным Марыупалі. Кажа, у гэтым няма палітыкі: Я толькі раблю сваю працу — як доктар12

Спявачка Каця IOWA апранулася па матывах карціны Шагала «Прагулка» ФОТА4

больш чытаных навін
больш лайканых навін

Абрынуліся руіны папулярнай у турыстаў сядзібы. Раней чыноўнікі адмовіліся яе выратоўваць — прычына можа здзівіць3

Абрынуліся руіны папулярнай у турыстаў сядзібы. Раней чыноўнікі адмовіліся яе выратоўваць — прычына можа здзівіць

Галоўнае
Усе навіны →

Заўвага:

 

 

 

 

Закрыць Паведаміць