«Усе вайскоўцы, якія там былі асуджаныя, яны ўжо загінулі, на жаль». Лукашэнка супакоіў грамадства наконт «вагнераўцаў»
Падчас свайго выступлення на ўрачыстым пасяджэнні, прысвечаным «Дню незалежнасці» 3 ліпеня, Лукашэнка сярод іншага зноў звярнуўся да тэматыкі меркаванага размяшчэння ў Беларусі наймітаў ПВК «Вагнер» і паспрабаваў «супакоіць» людзей, якія адносна гэтага трывожацца.
«Цяпер (не з Беларусі) раздзьмулі і раздзімаюць гэтую праблему ПВК «Вагнер» — прыватнай ваенізаванай кампаніі «Вагнер». Ды супакойцеся. Калі б можна было іх запрасіць сюды (за іх кошт), гэта для нашай арміі карысць. Гэта самыя падрыхтаваныя людзі.
Кажуць: «Там зэкі». Паслухайце, усе вайскоўцы, якія там былі, асуджаныя, яны ўжо загінулі, на жаль. І яшчэ адзін нюанс, які яны (на Захадзе) не хочуць тлумачыць: асуджаныя вызваляліся з месцаў пазбаўлення волі ў Расіі толькі для расійскага фронту. Ніводзін чалавек за мяжу не выязджае», — выклаў сваю версію таго, што адбываецца, Лукашэнка.
Пры гэтым ён успомніў пра затрыманне «вагнераўцаў» у Беларусі ўлетку 2020 года, перад прэзідэнцкімі выбарамі. І ўспамін гэты ў Лукашэнкі цёплы: «Мы іх з Богам адпусцілі. І яны з тых часоў удзячныя нам. І за бацьку заўсёды ставяць свечку ў царкве».
Лукашэнка лічыць, што «вагнераўскія» найміты нікому не страшныя таму, што «гэта людзі, якія прайшлі армію, якія прайшлі войны». І на гэтых войнах яны «ваявалі па ўсім свеце за нармальную цывілізацыю». Таму і трывожацца з іх нагоды толькі тыя, хто прыналежыць да «ненармальнай»:
«Дыктатару пачалі тэлефанаваць у Беларусь: «Гэта дрэнная рэч, гэта дрэнны сігнал». А чаму дрэнны? Чаму для французаў дрэнны? Таму што гэтыя «вагнераўцы» ў Афрыцы (ведаеце, у якіх краінах) калашмацілі гэтых французаў, што толькі пыл ляцеў. Вядома, ім гэта не падабаецца».
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары
Все, кто воевал в Украине, особенно в составе вагнера, - насильники, убийцы и садисты, без совести и чести, но с уголовными понятиями, которые очень нравятся лукашенко и путину, раз свои страны превращают в уголовные бараки.