«Нічога не змянілася». ПВК «Вагнер» па-ранейшаму вярбуе наймітаў па ўсёй Расіі
У ПВК «Вагнер» набіраюць у звычайным рэжыме, як быццам нічога не здарылася.
Журналісты Бі-бі-сі патэлефанавалі па гарачых лініях ПВК «Вагнер» у некалькі гарадоў, і там, дзе паднялі трубку, пацвердзілі, што яны набіраюць супрацоўнікаў у звычайным рэжыме.
Ад Калінінграда да Краснадара па-ранейшаму набіраюць людзей, каб яны адправіліся ваяваць ва Украіну. І гэта кантракты з самім «Вагнерам», а не з Мінабароны Расіі.
«Нічога не змянілася», — казалі ў многіх байцоўскіх цэнтрах і баксёрскіх клубах, у якія тэлефанавалі журналісты. Гэта дзіўна, улічваючы, што ўсяго некалькі дзён таму «вагнераўцы» ішлі маршам на Маскву.
Большасць баевікоў ПВК «Вагнер», мяркуючы па ўсім, па-ранейшаму ўзброеныя і знаходзяцца на сваіх базах на ўсходзе Украіны, як піша Бі-бі-сі.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары