«Usie vajskoŭcy, jakija tam byli asudžanyja, jany ŭžo zahinuli, na žal». Łukašenka supakoiŭ hramadstva nakont «vahnieraŭcaŭ»
Padčas svajho vystupleńnia na ŭračystym pasiadžeńni, pryśviečanym «Dniu niezaležnaści» 3 lipienia, Łukašenka siarod inšaha znoŭ źviarnuŭsia da tematyki mierkavanaha raźmiaščeńnia ŭ Biełarusi najmitaŭ PVK «Vahnier» i pasprabavaŭ «supakoić» ludziej, jakija adnosna hetaha tryvožacca.
«Ciapier (nie ź Biełarusi) razdźmuli i raździmajuć hetuju prablemu PVK «Vahnier» — pryvatnaj vajenizavanaj kampanii «Vahnier». Dy supakojciesia. Kali b možna było ich zaprasić siudy (za ich košt), heta dla našaj armii karyść. Heta samyja padrychtavanyja ludzi.
Kažuć: «Tam zeki». Pasłuchajcie, usie vajskoŭcy, jakija tam byli, asudžanyja, jany ŭžo zahinuli, na žal. I jašče adzin niuans, jaki jany (na Zachadzie) nie chočuć tłumačyć: asudžanyja vyzvalalisia ź miescaŭ pazbaŭleńnia voli ŭ Rasii tolki dla rasijskaha frontu. Nivodzin čałaviek za miažu nie vyjazdžaje», — vykłaŭ svaju viersiju taho, što adbyvajecca, Łukašenka.
Pry hetym jon uspomniŭ pra zatrymańnie «vahnieraŭcaŭ» u Biełarusi ŭletku 2020 hoda, pierad prezidenckimi vybarami. I ŭspamin hety ŭ Łukašenki ciopły: «My ich z Boham adpuścili. I jany z tych časoŭ udziačnyja nam. I za baćku zaŭsiody staviać śviečku ŭ carkvie».
Łukašenka ličyć, što «vahnieraŭskija» najmity nikomu nie strašnyja tamu, što «heta ludzi, jakija prajšli armiju, jakija prajšli vojny». I na hetych vojnach jany «vajavali pa ŭsim śviecie za narmalnuju cyvilizacyju». Tamu i tryvožacca ź ich nahody tolki tyja, chto prynaležyć da «nienarmalnaj»:
«Dyktataru pačali telefanavać u Biełaruś: «Heta drennaja reč, heta drenny sihnał». A čamu drenny? Čamu dla francuzaŭ drenny? Tamu što hetyja «vahnieraŭcy» ŭ Afrycy (viedajecie, u jakich krainach) kałašmacili hetych francuzaŭ, što tolki pył lacieŭ. Viadoma, im heta nie padabajecca».
U vystupie na ŭračystym schodzie Łukašenka klajmiŭ Zachad z pazicyj pansłavizmu, palez i ŭ linhvistyku
Źjavilisia śviežyja spadarožnikavyja zdymki namiotavaha łahiera, jaki stavicca pad Asipovičami. Maštaby ŭražvajuć
«Ničoha nie źmianiłasia». PVK «Vahnier» pa-raniejšamu viarbuje najmitaŭ pa ŭsioj Rasii
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»19
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3636
Kamientary
Vsie, kto vojevał v Ukrainie, osobienno v sostavie vahniera, - nasilniki, ubijcy i sadisty, biez soviesti i čiesti, no s uhołovnymi poniatijami, kotoryje očień nraviatsia łukašienko i putinu, raz svoi strany prievraŝajut v uhołovnyje baraki.