«Вайсковыя вучэнні сталі больш маштабнымі». Лукашэнка зноў правёў нараду з сілавым блокам
Аляксандр Лукашэнка 22 снежня правёў нараду аб выніках праверкі сілавога блока краіны. Ён расказаў, што саюзныя войскі па тэрыторыі Беларусі можна перамяшчаць як заўгодна, «ніякай канспіралогіі». А вось перамяшчэнні войскаў суседзяў па сваіх краінах — выклікаюць пагрозу.
«Я хачу адказаць на рознага роду пагалоскі, якія зʼяўляюцца ў нашым грамадстве, асабліва ў інтэрнэце, наконт перамяшчэння ўзброеных сіл Беларусі і сумеснага перамяшчэння ўзброеных сіл Беларусі і Расіі», — патлумачыў ён сэнс нарады.
Лукашэнка нагадаў, што ў Беларусі і Расіі, паводле даўняй дамовы, створана групоўка ўзброеных сіл для сумеснага рэагавання на пагрозы Саюзнай дзяржаве.
«Мы праводзілі і праводзім трэніроўкі. Цяпер яны з прычыны сітуацыі, якая склалася, і пагроз — больш маштабныя. Таму мы на сваёй тэрыторыі праводзім вучэнні. Перамяшчаем туды, куды мы лічым патрэбным, і сумесную групоўку ўзброеных сіл, і свае ўзброеныя сілы. Кропка. Ніякай іншай задумы, ніякай канспіралогіі», — дадаў ён.
Аляксандр Лукашэнка заявіў, што на нарадзе неабходна абмеркаваць дзве важныя тэмы.
«Мы не можам выключаць, што супраць нашай краіны можа быць разгорнута агрэсія. Прынамсі, такую гатоўнасць з боку нашых суседзяў мы бачым. Ведаем, хто падштурхоўвае ў спіну гэтых самых суседзяў для таго, каб яны стваралі напружанасць на нашых граніцах». У сувязі з гэтым ён прыняў рашэнне правесці праверку сіл неадкладнага рэагавання.
«У нас у арміі ёсць сілы так званага імгненнага рэагавання. Калі раптам нешта нечакана, то гэтыя сілы за пэўны прамежак часу ўзнімаюцца па трывозе і накіроўваюцца ў той пункт, дзе існуе напружанне. Гэтыя сілы неадкладнага рэагавання мною было прынята рашэнне праверыць», — растлумачыў Аляксандр Лукашэнка.
Другая частка праверкі была прысвечана антытэрарыстычным дзеянням. Цяпер аперацыі поўнасцю завершаны і ўзброеныя сілы, сілы спецыяльных аперацый, спецпадраздзяленні знаходзяцца ў месцах пастаяннай дыслакацыі.
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары
Именно на них Иван 4 и выехал в императоры.