«Vajskovyja vučeńni stali bolš maštabnymi». Łukašenka znoŭ pravioŭ naradu ź siłavym błokam
Alaksandr Łukašenka 22 śniežnia pravioŭ naradu ab vynikach pravierki siłavoha błoka krainy. Jon raskazaŭ, što sajuznyja vojski pa terytoryi Biełarusi možna pieramiaščać jak zaŭhodna, «nijakaj kanśpirałohii». A voś pieramiaščeńni vojskaŭ susiedziaŭ pa svaich krainach — vyklikajuć pahrozu.
«Ja chaču adkazać na roznaha rodu pahałoski, jakija zjaŭlajucca ŭ našym hramadstvie, asabliva ŭ internecie, nakont pieramiaščeńnia ŭzbrojenych sił Biełarusi i sumiesnaha pieramiaščeńnia ŭzbrojenych sił Biełarusi i Rasii», — patłumačyŭ jon sens narady.
Łukašenka nahadaŭ, što ŭ Biełarusi i Rasii, pavodle daŭniaj damovy, stvorana hrupoŭka ŭzbrojenych sił dla sumiesnaha reahavańnia na pahrozy Sajuznaj dziaržavie.
«My pravodzili i pravodzim treniroŭki. Ciapier jany z pryčyny situacyi, jakaja skłałasia, i pahroz — bolš maštabnyja. Tamu my na svajoj terytoryi pravodzim vučeńni. Pieramiaščajem tudy, kudy my ličym patrebnym, i sumiesnuju hrupoŭku ŭzbrojenych sił, i svaje ŭzbrojenyja siły. Kropka. Nijakaj inšaj zadumy, nijakaj kanśpirałohii», — dadaŭ jon.
Alaksandr Łukašenka zajaviŭ, što na naradzie nieabchodna abmierkavać dźvie važnyja temy.
«My nie možam vyklučać, što suprać našaj krainy moža być razhornuta ahresija. Prynamsi, takuju hatoŭnaść z boku našych susiedziaŭ my bačym. Viedajem, chto padšturchoŭvaje ŭ śpinu hetych samych susiedziaŭ dla taho, kab jany stvarali napružanaść na našych hranicach». U suviazi z hetym jon pryniaŭ rašeńnie pravieści pravierku sił nieadkładnaha reahavańnia.
«U nas u armii jość siły tak zvanaha imhniennaha reahavańnia. Kali raptam niešta niečakana, to hetyja siły za peŭny pramiežak času ŭźnimajucca pa tryvozie i nakiroŭvajucca ŭ toj punkt, dzie isnuje napružańnie. Hetyja siły nieadkładnaha reahavańnia mnoju było pryniata rašeńnie pravieryć», — rastłumačyŭ Alaksandr Łukašenka.
Druhaja častka pravierki była pryśviečana antyterarystyčnym dziejańniam. Ciapier apieracyi poŭnaściu zavieršany i ŭzbrojenyja siły, siły śpiecyjalnych apieracyj, śpiecpadraździaleńni znachodziacca ŭ miescach pastajannaj dysłakacyi.
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
-
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»
-
Cichanoŭskaja pakazała, jak trenirujecca ŭ trenažorcy VIDEA
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Imienno na nich Ivan 4 i vyjechał v impieratory.