Алесю Аркушу — пісьменніку, выдаўцу і аднаму з найлепшых рок-паэтаў 90-х сёння спаўняецца 60 гадоў.
Фота з фэйсбука Алеся Аркуша.
Алесь Аркуш (сапраўднае прозвішча Козік) нарадзіўся ў Жодзіне, але ад сярэдзіны 1980-х яго лёс звязаны з Полацкам. Тут ён заснаваў Таварыства вольных літаратараў ды прэмію «Гліняны Вялес», тут выдаваў альманахі «Ксэракс Беларускі» ды «Калосьсе».
Яго вершы гучалі з сцэнаў рок-фестываляў у выкананні культавага наваполацкага гурта «Мясцовы час».
Аркуш — аўтар дзесяці паэтычных кніг, трох зборнікаў эсэістыкі і пяці раманаў, з якіх тры — «Захоп Беларусі марсіянамі», «Сядзіба» і «Спадчына» — выдаў толькі за чатыры апошнія гады.
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары