«З абломка велізарнай імперыі мы стварылі новую дзяржаву, выбудоўваючы амаль з нуля эканамічную, сацыяльную сістэму, можна сказаць, выгадавалі яе, а разам з ёй новае пакаленне першых дзяцей суверэннай Беларусі. Мы вучыліся быць незалежнымі, свабоднымі, самастойнымі — яны такімі нарадзіліся, — заявіў Аляксандр Лукашэнка ў сваім Пасланні народу і парламенту 19 красавіка. — Падкрэсліваю: мы вучыліся такімі быць з вамі, а яны ўжо такімі нарадзіліся. Вы ведаеце, шмат зараз балбатні: Беларусь кудысьці ўключаць, Беларусь падзеляць і іншае. Ды немагчыма гэта сёння зрабіць, таму што яны ўжо нарадзіліся ў свабоднай, незалежнай Беларусі. І той, хто сёння асмеліцца знішчыць Беларусь — сам па сабе, прэзідэнт, урад, — яны будуць праклятыя нашым беларускім народам. А хто асмеліцца гэта зрабіць сілай, яны атрымаюць наймагутнейшы адказ ад нашага народа і перш за ўсё ад тых, хто нарадзіўся суверэнным і незалежным. Вось вам адказ на гэтае пытанне, калі хтосьці гэтага не разумее, глыбінны адказ», — заявіў Аляксандр Лукашэнка.
Гэтая заява была сустрэтая першымі за час Паслання апладысментамі.
Тэлекамера акцэнтавала вельмі эмацыйную рэакцыю на гэтую заяву дэпутата-гісторыка з Магілёва Ігара Марзалюка. Вось відэа:
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары