Тусоўшчыкаў з Зыбіцкай апоўначы развезлі па дамах на спецыяльных аўтобусах ФОТЫ
14 верасня ў Сусветны дзень адказнага спажывання «Аліварыя» запусціла бясплатныя аўтобусы ад самых тусовачных вуліц Мінска ў аддаленыя спальныя раёны. Маршрутныя аўто ад Зыбіцкай, Рэвалюцыйнай і Кастрычніцкай вярнулі дадому да 00:00 больш за 100 заўсёднікаў сталічных бараў — тых, хто прыняў рашэнне ў гэтую пятніцу піць з розумам і каб без праблем на наступны дзень.
Дзень адказнага спажывання піва (Global beer responsibility day) адзначаюць штогод у сярэдзіне верасня. Акцыя звяртае ўвагу на культуру піцця: ад колькасці куфляў у пабе за вечар да «забароны» заседжвацца пасля апоўначы. Мерапрыемствы, прымеркаваныя да гэтага дня, праходзяць у 62 краінах, у тым ліку ў Нямеччыне, Аўстрыі, Бельгіі. У Беларусі культуру адказнага спажывання піва дапамагае фармаваць піваварная кампанія «Аліварыя».
«Сёлета ў дзень адказнага спажывання піва «Аліварыя» вырашыла нагадаць усім беларусам, што забаўляцца трэба ўмерана, а адзін са спосабаў кантраляваць сябе — не заседжвацца з куфлем пасля 00:00, — распавядае Наталля Жук, вядучы спецыяліст па карпаратыўных камунікацыях «Аліварыі». — Мы ўжо трэці год запар падтрымліваем Сусветную акцыю і імкнёмся знізіць да нуля безадказнае спажыванне сярод беларусаў цягам усіх 365 дзён, што ёсць у годзе».
Шэсць аўтобусаў «Аліварыя-лайнс» ад трох тусовачных вуліц адправіліся роўна ў 23:00, каб ужо да апоўначы вярнуць беларусаў дадому. Пасадка праходзіла па жывой чарзе, у кожным аўтобусе свае месцы занялі каля 20 чалавек. Курсіравалі аўтобусы «Аліварыя-лайнс» па «зялёнай» лініі метро, прыпынкі рабілі менавіта там, дзе з'явяцца новыя станцыі.
«Кандуктарам» на адным з рэйсаў стала папулярная тэлевядоўца і блогерка Ганна Бонд. Перад пасадкай яна прапаноўвала пасажырам прайсці тэст на ўтрыманне алкаголю ў крыві, і з цікавасцю адзначыла, што кожную гадзіну Зыбіцкая п’янее дзесьці на адну праміле — а гэта не менш за кухаль (0,5 л) піва!
За нуль безадказнага спажывання таксама ў гэты дзень выступілі адразу 25 устаноў Зыбіцкай, Кастрычніцкай, Рэвалюцыйнай. Яны дапоўнілі сваё меню інфармацыяй пра GBRD і акцыі ад «Аліварыі», а роўна апоўначы зрабілі музыку крыху цішэй, каб нагадаць усім наведвальнікам пра важнасць ўмеранага спажывання.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну87
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары