Турыстам у Калумбіі прапанавалі «безлімітны сэкс», улады супраць
Месяц таму ўсе інфармацыйныя агенцтвы абляцела навіна, што адна калумбійская турыстычная фірма прапануе сваім кліентам правесці 4 дні на райскай выспе ў кампаніі з 60 прастытуткамі.
У рэкламе паслугі было запісана: «Безлімітны сэкс уключаны ў паслугі». Таксама турыстам паведамлялася, што будуць вітацца наркотыкі, а таксама чакаюцца пэўныя «сэкс-сюрпрызы».
На дадзены момант правядзенне мерапрыемства пад вялікім пытаннем. «Выспа сэкса» размешчаная каля калумбійскага горада Картахена. Цяпер улады краіны і горада паведамляюць, што госці могуць быць дэпартаваныя з краіны, піша The Sun.
Мэр горада Серхіа Ландана напісаў у твітары: «Гэта непрымальна, што нас хочуць прадаць у якасці прызначэння для сэксу. Гэта не той турызм, які мы ўяўлялі».
Міністр унутраных справаў Калумбіі Фернанда Нінья запэўніў, што афіцыйны дазвол на сэкс-турызм выдадзены не будзе.
Вечарына павінна прайсці ад 24 да 27 лістапада. Усяго ў ёй могуць прыняць удзел 100 чалавек. Білет на такое мерапрыемства каштуе больш за 4 тысячы даляраў.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»11
Каментары