Звычайны ліфт у адным з мінскіх дамоў парадаваў людзей. Прычына — беларускамоўная агучка паверхаў.
«Штоооо, паслухайце самі! Я ўпершыню сустрэў ў Мінску. Беларускамоўны ліфт. Высотка каля Аэрадромнай. Я нават некалькі разоў праехаўся на ім уверх і ўніз — настолькі незвычайна гэта», —
эмацыйна напісаў у Threads малады чалавек пад нікам theuladzislau, які называе сябе «маладым і адзінокім зумерам з Беларусі», суправадзіўшы свае словы відэа з ліфта.
Допіс сабраў каля тысячы лайкаў і прыкладна 19 тысяч праглядаў. Але адметны ён не толькі гэтым: амаль усе каментары пад ім напісаныя па-беларуску.
«Нічога сабе. Які цуд»,
«Няўжо? Калі так,то гэта ачмурэнна»,
«Ох бы на кожным паверсе спыняўся б)»,
«Як цікава! Крута!» — не хавалі каментатары захаплення.
Асобныя выказалі меркаванне, што «такая агучка павінна стаць базавай для ліфтаў».
Некаторыя прызналіся, што хацелі б чуць родную мову не толькі ў гэтым ліфце, а паўсюль.
«Мёд для вушэй) Вось бы ўсюды ў нашай краіне гучала родная мова!»
Знайшліся і тыя, для каго гэтая дробязь зрабіла раён больш сімпатычным.
«Гэты раён цяпер мне больш падабаецца»,
«Вось такі Мінск-Свет мне падабаецца».
У каментарах людзі пачалі дзяліцца ўласнымі назіраннямі. Высветлілася, што беларускамоўныя ліфты ёсць не толькі ў Мінску.
«У гарадзенскіх новых паліклініках такія ліфты беларускамоўныя»,
«Гродна, гасцініца «Турыст», таксама беларускамоўны ліфт»,
«У санаторыі «Радон» усе ліфты беларускамоўныя».
Сярод дзясяткаў захопленых водгукаў асабліва вылучаўся адзін кароткі каментар. Ён не крытыкаваў саму ідэю беларускамоўнага ліфта, але нагадваў, што падобная радасць для многіх ужо сама па сабе выглядае сімвалічнай.
«Дажыліся… Радуемся беларускай мове ў Беларусі».
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Якая ж прыемная, пявучая і прыгожая беларуская мова!!!