Выпадзенне магутнасцей НПЗ у Славянску-на-Кубані ўскладніць і без таго цяжкую сітуацыю з палівам на поўдні Расіі.
Прэзідэнт Украіны Уладзімір Зяленскі пацвердзіў нанясенне ўдараў па расійскіх нафтаперапрацоўчых заводах, размешчаных у глыбокім тыле РФ.
Паводле яго слоў, пад атаку трапіў завод «Славянскі» ў Краснадарскім краі (прыкладна за 300 кіламетраў ад лініі фронту), а таксама прадпрыемства ў Яраслаўскай вобласці, да якога ад украінскай мяжы каля 700 кіламетраў.
Раней мясцовыя ўлады Расіі ўскосна пацвердзілі інцыдэнты: аператыўны штаб Краснадарскага краю паведамляў пра атаку на НПЗ у Славянску-на-Кубані, а губернатар Яраслаўскай вобласці заявіў пра перакрыццё дарог каля мясцовага НПЗ, аднак саму атаку ў сваёй заяве згадваць не стаў.
Відэа і спадарожнікавыя здымкі фіксуюць шматлікія ачагі ўзгарання ў Славянску-на-Кубані.
Гэта не самы вялікі НПЗ — аб’ёмы перапрацоўкі там складаюць 3 млн тон за год. Аднак выпадзенне часткі яго магутнасцей ускладніць і без таго цяжкую сітуацыю з палівам на поўдні Расіі.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка12
Каментары
Сёння ўся прапаганда перакінутая з тэмы "грантапіленія ОСЦ" на тэму "зласліўца Зяленскага, які спіць і сніць, як гараць беларускія НПЗ".
Але як заўжды прапаганда не сябруе з канкрэтыкай. Замест канкрэтыкі і разумення апелюе да "ваў!!!", "усе памром!" і да тп бязглуздзіцы.
Дык вось. крыху канкрэтыкі наконт "усе" і "рубам".
1) Расійская дзяржава, а адпаведна і вайна спыняцца значна раней, чым згараць "усе заводы".
2) Сёння расійскія 40 НПЗ за год перапрацоўваць ~341 млн тн/год + яшчэ газавы кандэнсат.
2 беларускія НПЗ у межах 15-22 млн тн. ~5-7% ад аб'ёму агульнарасійскай перапрацоўкі.
Кожны з першай пяцёркі буйных расійскіх НПЗ адзін перарабляе нафты больш, як разам 2 беларускія. Якія да таго ж на адрас Рассіі адгружаюць толькі частку. Выбачайце за чорны гумар, на такое нават дронаў шкада.
3) хто па вайне будзе перапрацоўваць для Украіны сібірскую нафту?
Мяркую, ў Кіеве дакладна разумеюць, што не Кірышы, не Туапсэ і не Разань з Капотняй. ))
Але прапаганда зараз рознымі спосабамі дэманізуе Украіну, Зяленскага як ворага і падпальшчыка Беларусі.
У хтанічным свеце прапаганды кожны тут шчыруе ў сваім амплуа.
))