Vypadzieńnie mahutnaściej NPZ u Słaviansku-na-Kubani ŭskładnić i biez taho ciažkuju situacyju z palivam na poŭdni Rasii.
Prezident Ukrainy Uładzimir Zialenski paćvierdziŭ naniasieńnie ŭdaraŭ pa rasijskich naftapierapracoŭčych zavodach, raźmieščanych u hłybokim tyle RF.
Pavodle jaho słoŭ, pad ataku trapiŭ zavod «Słavianski» ŭ Krasnadarskim krai (prykładna za 300 kiłamietraŭ ad linii frontu), a taksama pradpryjemstva ŭ Jarasłaŭskaj vobłaści, da jakoha ad ukrainskaj miažy kala 700 kiłamietraŭ.
Raniej miascovyja ŭłady Rasii ŭskosna paćvierdzili incydenty: apieratyŭny štab Krasnadarskaha kraju paviedamlaŭ pra ataku na NPZ u Słaviansku-na-Kubani, a hubiernatar Jarasłaŭskaj vobłaści zajaviŭ pra pierakryćcio daroh kala miascovaha NPZ, adnak samu ataku ŭ svajoj zajavie zhadvać nie staŭ.
Videa i spadarožnikavyja zdymki fiksujuć šmatlikija ačahi ŭzharańnia ŭ Słaviansku-na-Kubani.
Heta nie samy vialiki NPZ — abjomy pierapracoŭki tam składajuć 3 młn ton za hod. Adnak vypadzieńnie častki jaho mahutnaściej uskładnić i biez taho ciažkuju situacyju z palivam na poŭdni Rasii.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Siońnia ŭsia prapahanda pierakinutaja z temy "hrantapilenija OSC" na temu "złaśliŭca Zialenskaha, jaki śpić i śnić, jak harać biełaruskija NPZ".
Ale jak zaŭždy prapahanda nie siabruje z kankretykaj. Zamiest kankretyki i razumieńnia apieluje da "vaŭ!!!", "usie pamrom!" i da tp biazhłuździcy.
Dyk voś. krychu kankretyki nakont "usie" i "rubam".
1) Rasijskaja dziaržava, a adpaviedna i vajna spyniacca značna raniej, čym zharać "usie zavody".
2) Siońnia rasijskija 40 NPZ za hod pierapracoŭvać ~341 młn tn/hod + jašče hazavy kandensat.
2 biełaruskija NPZ u miežach 15-22 młn tn. ~5-7% ad abjomu ahulnarasijskaj pierapracoŭki.
Kožny ź pieršaj piaciorki bujnych rasijskich NPZ adzin pierarablaje nafty bolš, jak razam 2 biełaruskija. Jakija da taho ž na adras Raśsii adhružajuć tolki častku. Vybačajcie za čorny humar, na takoje navat dronaŭ škada.
3) chto pa vajnie budzie pierapracoŭvać dla Ukrainy sibirskuju naftu?
Miarkuju, ŭ Kijevie dakładna razumiejuć, što nie Kiryšy, nie Tuapse i nie Razań z Kapotniaj. ))
Ale prapahanda zaraz roznymi sposabami demanizuje Ukrainu, Zialenskaha jak voraha i padpalščyka Biełarusi.
U chtaničnym śviecie prapahandy kožny tut ščyruje ŭ svaim ampłua.
))