Будаўніцтва станцыі метро каля новага жылога комплексу «Паўночны Бераг» у бліжэйшыя гады не пачнецца. Трэба чакаць развіцця тэхналогій.
Як паведаміў старшыня Мінгарвыканкама Уладзімір Кухараў, мясцовыя грунты тут проста не дазваляюць бяспечна пракладаць падземныя тунэлі.
— У гэтай частцы горада грунты не падыходзяць для будаўніцтва метро. Каб стварыць для жыхароў «Паўночнага Берага» зручную транспартную лагістыку, будзе забяспечаны падвоз электратранспартам да станцыі метро на плошчы Бангалор. А калі з часам з’явяцца новыя тэхналогіі, якія дазволяць будаўніцтва метрапалітэна ў гэтай мясцовасці, не выключана, што гарадскія ўлады вернуцца да гэтай тэмы, — сказаў Кухараў.
Каментары
Інтэрпрэтацыя розныя магчымыя (напрыклад, ледавіковыя адклады з артэзіянскімі водамі), але не гучыць нічога.
І людзям нармальна, што ім такое псеўдатлумачэнне далі замест тлумачэння. Беларусь, што ўнутры, што звонку ўсё больш ператвараецца ў нейкую тэрыторыю некампетэнтнасці.