Культуролаг і кінакрытык Максім Жбанкоў выпускае ў выдавецтва «Мяне Hяма» выданне «ШокингКульт. Книга перемен». У зборнік увайшлі выбраныя тэксты аднаіменнага аўтарскага YouTube-праекта, піша БАЖ.
«ШокінгКульт» — аўтарскі YouTube-праект Максіма Жбанкова, створаны для аналізу сацыякультурных працэсаў пасля 2020 года. У кнігу ўвайшло 37 тэкстаў пра Беларусь і пра ўсё тое, што адбылося з нашым грамадствам. Але гэта не хроніка падзей і не прыватныя нататкі.
«Гэта mind games — канцэптуалізацыя (беларускага) трындзеца ў прамым эфіры. Спробы знайсці маркеры для
зламанага часу, пакуль ляціш разам з ім з ніадкуль у нікуды і намагаешся не з’ехаць з глузду», — адзначае выдавецтва.
Сам аўтар вызначае зборнік як «37 тэ(к)стаў на выжыванне».
«Гэта мысленне перыяду паўраспаду, траўматычнае адчуваннне зламанага часу, каталог культурных анамаліяў і хронікі ментальных зрухаў. Адначасова дыягназ, матыватар і аўтапартрэт», — кажа Максім Жбанкоў.
Наклад чакаецца ў пачатку ліпеня 2026 года.
Каментары