Пад які працэнт?
Беларусы цяпер могуць купляць тавары на Wildberries у крэдыт. Карыстальнікам даступныя сумы ад 50 да 15 тысяч рублёў. Тэрмін выплат пакупнік можа выбраць у межах ад 13 да 60 месяцаў (5 гадоў), піша Tochka.by.
«Гэта дазволіць пакупнікам набываць дарагія тавары з камфортным графікам плацяжоў і лепш кіраваць сямейным бюджэтам, а прадаўцам маркетплейса — павялічваць сярэдні чэк і канверсію заказаў», — пракаментаваў кіраўнік фінтэху Wildberries Георгій Гаршкоў.
Якая працэнтная стаўка
Крэдытуе пакупнікоў банк «Дабрабыт». У банку ўдакладнілі, што стаўка фіксаваная — 24%.
«Для Беларусі крэдыт — даўно звыклая частка фінансавай культуры. Мы проста дадалі гэтую звычку туды, дзе людзі і так купляюць з задавальненнем, — на Wildberries… Мы паслядоўна пашыраем магчымасці для нашых пакупнікоў — каб ім было максімальна зручна на ўсіх этапах, ад пошуку тавару да выбару фінансавага рашэння пры аплаце», — адзначыў дырэктар Wildberries у Беларусі Дзмітрый Семянкоў.
Каб набыць тавар у крэдыт, на старонцы аплаты пакупніку трэба выбраць крэдыт ад банка «Дабрабыт».
Пасля гэтага сістэма перанакіруе карыстальніка на абароненую старонку банка, дзе адбываецца працэс ідэнтыфікацыі.
Для афармлення крэдыту трэба аўтарызавацца праз Міжбанкаўскую сістэму ідэнтыфікацыі (МСІ).
Сэрвіс добра адаптаваны пад сцэнарыі пакупкі на маркетплейсе: у выпадку, калі тавар не падыдзе, пакупнік можа ад яго адмовіцца, як звычайна.
Пры гэтым абавязацельствы па крэдытным дагаворы будуць пералічаныя або закрытыя, удакладнілі ў прэс-службе Wildberries.
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары