Маці і дачка з сям'і Міронцавых выйшлі на волю пасля паўгода ў СІЗА
Лукер’я і Вераніка Міронцавы, абвінавачаныя па «экстрэмісцкім» артыкуле, вызваленыя з-пад варты. Суд прысудзіў жанчынам «хатнюю хімію».
Як стала вядома «Нашай Ніве», судовы працэс над маці і дачкой завяршыўся прызначэннем «хатняй хіміі» — абмежавання волі па месцы жыхарства. Абедзвюх жанчын вызвалілі адразу пасля абвяшчэння прысуду.
У следчым ізалятары №1 яны знаходзіліся са снежня 2025 года, калі іх затрымалі паводле абвінавачвання ў замаху на садзейнічанне экстрэмісцкай дзейнасці.
Гэта ўжо не першы крымінальны прысуд у сям'і Міронцавых. У жніўні 2020 года сёстры Вікторыя і Настасся заступіліся за людзей падчас жорсткіх затрыманняў ля сталічнага Палаца спорту. За гэта пазней яны атрымалі рэальныя тэрміны: Вікторыю асудзілі на два з паловай гады зняволення, а Настассю — на два гады калоніі. Абедзве дзяўчыны цалкам адбылі пакаранне і выйшлі на волю ў 2022 годзе.
Яшчэ адна сястра, Аляксандра, ратуючыся ад магчымага арышту, паспела пакінуць Беларусь і з'ехала за мяжу. Пенсіянерка Лукер'я Міронцава і яе дачка Вераніка, сястра-блізнюк раней асуджанай Вікторыі, увесь гэты час заставаліся ў Мінску, пакуль у канцы дзве 2025 года сілавікі не прыйшлі і за імі.
«Наша Нiва» — бастыён беларушчыны
ПАДТРЫМАЦЬ
Каментары