Жыллё знаходзіцца на Лагойскім тракце, у прыстойнай дзевяціпавярхоўцы.
У Мінск з’явілася аб’ява пра арэнду кватэры па вельмі нізкай цане — усяго 65 даляраў у месяц. Аднак у такім кошце ёсць цалкам канкрэтная прычына: уладальнік хоча, каб арандатары самі рабілі рамонт, піша Onliner.by.
Жыллё знаходзіцца на Лагойскім тракце, у прыстойным дзевяціпавярховіку. Унутры — звычайная абстаноўка 1990-х: старыя шпалеры, лінолеум, простая мэбля. Пры гэтым кватэру нельга назваць зусім пустой: у пакоі ёсць ложак, канапа, камода і рабочы стол; у вітальні — шафа; на кухні — абедзенны стол, шафкі, халадзільнік і пліта. Таксама ўказана, што ў кватэры ёсць пралка.
Па аб’яве кватэру здаюць максімум да сярэдзіны лета.
Асаблівасць у тым, што будучаму арандатару прапануюць не проста жыць, але і паступова займацца рамонтам. У аб’яве гаворыцца, што работы ўжо распачатыя (напрыклад, заменена праводка і абноўлены балкон) і іх трэба паступова працягваць. Са слоў аўтара, перавагу аддадуць двум-тром будаўнікам: «Галоўнае, каб кожны дзень рабілася нешта».
Сярод плюсаў уладальнік называе і размяшчэнне дома: побач знаходзяцца крамы, парк і рака, прыпынак трамвая «Паліграфічная» — можна хутка дабрацца да станцыі метро «Плошча Якуба Коласа».
Кошт штомесячнай арэнды такога варыянту — 65 даляраў па курсе.
Журналісты звязаліся з уладальнікам кватэры, каб даведацца, як ён вырашыўся на такую незвычайную прапанову арэнды. Вось што ён распавёў:
— У гэтым раёне лёгка было б за дзень-два здаць гэтую кватэру за 350 даляраў, але вырашыў паспрабаваць здаць яе з умовай, што арандатары будуць рабіць рамонт. Спачатку ўвогуле прапаноўваў жыць бясплатна, толькі займацца працамі.
Маўляў, чалавек будзе выконваць задачы прыкладна на 1000—1500 рублёў у месяц, а інакш я магу сам знайсці будаўнікоў і даваць ім указанні. Рамонт задумваўся як касметычны: пераклеіць шпалеры, абнавіць савецкі паркет, мэблю… Званкоў было шмат, некаторыя нават прыходзілі на прагляд: адзін хлопец быў гатовы жыць са сваёй дзяўчынай і паступова што-небудзь абнаўляць, але потым перадумаў і вярнуў ключы. Думаю ўжо адмовіцца ад гэтай ідэі і зрабіць усё самастойна — у будучыні планую жыць у гэтай кватэры сам.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары