Венгрыя не разблакуе прыняцце 20‑га пакета санкцый да аднаўлення працы трубаправода «Дружба»
Венгрыя хоча, каб Украіна неадкладна аднавіла пастаўкі нафты па трубаправодзе «Дружба», заявіў у панядзелак перад пасяджэннем Рады па замежных справах у Бруселі міністр замежных спраў Петар Сіярта, піша Бі-бі-сі.
Да таго часу, пакуль гэта не адбудзецца, Будапешт будзе блакаваць прыняцце 20‑га пакета санкцый ЕС супраць Расіі і рашэнні, важныя для Кіева, паабяцаў ён.
Працоўная дзейнасць часткі «Дружбы» была прыпынена 27 студзеня. Кіеў растлумачыў гэта пашкоджаннем трубаправода расійскімі вайскоўцамі, аднак Будапешт лічыць, што Украіна наўмысна прыпыніла пастаўкі нафты па «Дружбе» з палітычных матываў. Нафтапрадуктовы крызіс будзе балюча ўспрыняты ў Венгрыі, дзе 12 красавіка павінны прайсці парламенцкія выбары, лічаць у Будапешце.
Заблакаваць прыняцце 20‑га пакета антываенных санкцый супраць Расіі напярэдадні паабяцаў таксама прэм’ер Віктар Орбан.
Кіраўнік еўрапейскай дыпламатыі Кая Калас прызнала ў панядзелак, што краіны ЕС не змогуць узгадніць 23 лютага новы пакет санкцый, які ў Еўропе разлічвалі прыняць напярэдадні чацвёртай гадавіны пачатку паўнамаштабнага ўварвання Расіяй ва Украіну.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі7
Каментары