Vienhryja nie razbłakuje pryniaćcie 20‑ha pakieta sankcyj da adnaŭleńnia pracy trubapravoda «Družba»
Vienhryja choča, kab Ukraina nieadkładna adnaviła pastaŭki nafty pa trubapravodzie «Družba», zajaviŭ u paniadziełak pierad pasiadžeńniem Rady pa zamiežnych spravach u Brusieli ministr zamiežnych spraŭ Pietar Sijarta, piša Bi-bi-si.
Da taho času, pakul heta nie adbudziecca, Budapiešt budzie błakavać pryniaćcie 20‑ha pakieta sankcyj ES suprać Rasii i rašeńni, važnyja dla Kijeva, paabiacaŭ jon.
Pracoŭnaja dziejnaść častki «Družby» była prypyniena 27 studzienia. Kijeŭ rastłumačyŭ heta paškodžańniem trubapravoda rasijskimi vajskoŭcami, adnak Budapiešt ličyć, što Ukraina naŭmysna prypyniła pastaŭki nafty pa «Družbie» z palityčnych matyvaŭ. Naftapraduktovy kryzis budzie baluča ŭspryniaty ŭ Vienhryi, dzie 12 krasavika pavinny prajści parłamienckija vybary, ličać u Budapiešcie.
Zabłakavać pryniaćcie 20‑ha pakieta antyvajennych sankcyj suprać Rasii napiaredadni paabiacaŭ taksama premjer Viktar Orban.
Kiraŭnik jeŭrapiejskaj dypłamatyi Kaja Kałas pryznała ŭ paniadziełak, što krainy ES nie zmohuć uzhadnić 23 lutaha novy pakiet sankcyj, jaki ŭ Jeŭropie raźličvali pryniać napiaredadni čaćviortaj hadaviny pačatku paŭnamaštabnaha ŭvarvańnia Rasijaj va Ukrainu.
Kamientary