Беларуса, якога судзілі за рэабілітацыю нацызму, вызвалілі ў зале суда
У Мінскім гарадскім судзе разглядалі справу 21‑гадовага мінчука, якога абвінавацілі ў рэабілітацыі нацызму (ч. 1 арт. 130‑1 КК) праз каментары ў сацсетках, паведамляе прэс-служба Генеральнай пракуратуры.
Паводле пракуратуры, беларус размясціў больш за 40 паведамленняў у сацсетцы «ВКонтакте», дзе апраўдваў нацысцкія злачынствы і аспрэчваў масавае знішчэнне мірных жыхароў вёскі Хатынь войскамі СС пад кіраўніцтвам Оскара Дырлевангера 22 сакавіка 1943 года. Акрамя таго, ён нібыта дадаваў да паведамленняў фатаграфіі Гітлера, Гімлера і нацысцкую сімволіку.
У судзе мінчанін прызнаў сваю віну цалкам і выказаў шкадаванне. Яму прысудзілі адзін год і пяць месяцаў калоніі агульнага рэжыму. Аднак у тэрмін ужо ўлічылі час, які ён правёў пад вартай падчас следства і суда, таму яго вызвалілі адразу пасля вынясення прысуду.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары