Некалькі былых палітвязняў прыйшлі на акцыю памяці загінулых добраахвотнікаў з плакатамі супраць Ціханоўскай
Яны дэманстратыўна адвярнуліся ад Анатоля Лябедзькі, які прамаўляў са сцэны. «Б — барацьба», — іранічна пракаментаваў сітуацыю былы палітвязень Ігар Лосік.
У Вільні адбылася акцыя памяці загінулых ва Украіне беларускіх добраахвотнікаў. На ёй прамаўляў дарадца Святланы Ціханоўскай Анатоль Лябедзька — сам былы палітвязень, сын якога зараз знаходзіцца ў калоніі па палітычным абвінавачванні.
Падчас яго выступу некалькі былых палітвязняў развярнуліся спінай да Лябедзькі, трымаючы плакаты «Досыць пустых слоў», «Як Офіс дапамагае палітвязням у Беларусі?» і «Чым Офіс дапамог» з прымацаванымі партрэтамі Васіля Верамейчыка, а таксама ўзятых у палон Яна «Тромблі» Дзюрбейкі і Сяргея «Кляшча» Дзёгцева, лёс якіх невядомы з 2022 года.
У каментарах у фэйсбуку пад допісам Дзмітрыя Казлова (блогер Шэры Кот) развярнулася актыўная дыскусія.
«Б — барацьба», — напісаў былы палітвязень Ігар Лосік. «Можа, трошкі не з тымі змагаецеся? Як гэта крынжова…», — мяркуе хрысціянскі дэмакрат Дзяніс Садоўскі. «Вельмі кепска, што на такую акцыю прыйшлі з гэтымі разборкамі», — працягнуў белсатавец Яраслаў Сцешык. «Спадзяюся, вашай дзейнасцю хутка зоймуцца адпаведныя літоўскія службы. Бо тлумачыць гэта проста дурасцю ўжо харэ», — дадаў яшчэ адзін белсатавец Зміцер Міцкевіч.
Сам Дзмітрый Казлоў падтрымаў акцыю. Спадабалася яна і былому палітвязню Сяргею Коршуну. Ён мяркуе, што падобныя флэшмобы трэба запускаць і ў Варшаве.
-
Пайшоў у банкруцтва вядомы беларускі вытворца ветэрынарных прэпаратаў
-
На беразе Камсамольскага возера нарэшце завяршаюць 15‑гадовы даўгабуд. Ужо ідзе запіс на закрыты старт продажаў
-
Былы слесар вайсковай часці ў Плешчаніцах ішоў на рэкорд па колькасці судзімасцяў — але знік у першым жа мясным штурме
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная22
Каментары