Niekalki byłych palitviaźniaŭ pryjšli na akcyju pamiaci zahinułych dobraachvotnikaŭ z płakatami suprać Cichanoŭskaj
Jany demanstratyŭna adviarnulisia ad Anatola Labiedźki, jaki pramaŭlaŭ sa sceny. «B — baraćba», — iranična prakamientavaŭ situacyju były palitviazień Ihar Łosik.
U Vilni adbyłasia akcyja pamiaci zahinułych va Ukrainie biełaruskich dobraachvotnikaŭ. Na joj pramaŭlaŭ daradca Śviatłany Cichanoŭskaj Anatol Labiedźka — sam były palitviazień, syn jakoha zaraz znachodzicca ŭ kałonii pa palityčnym abvinavačvańni.
Padčas jaho vystupu niekalki byłych palitviaźniaŭ raźviarnulisia śpinaj da Labiedźki, trymajučy płakaty «Dosyć pustych słoŭ», «Jak Ofis dapamahaje palitviaźniam u Biełarusi?» i «Čym Ofis dapamoh» z prymacavanymi partretami Vasila Vieramiejčyka, a taksama ŭziatych u pałon Jana «Trombli» Dziurbiejki i Siarhieja «Klašča» Dziohcieva, los jakich nieviadomy z 2022 hoda.
U kamientarach u fejsbuku pad dopisam Dźmitryja Kazłova (błohier Šery Kot) raźviarnułasia aktyŭnaja dyskusija.
«B — baraćba», — napisaŭ były palitviazień Ihar Łosik. «Moža, troški nie z tymi zmahajeciesia? Jak heta krynžova…», — miarkuje chryścijanski demakrat Dzianis Sadoŭski. «Vielmi kiepska, što na takuju akcyju pryjšli z hetymi razborkami», — praciahnuŭ biełsataviec Jarasłaŭ Ściešyk. «Spadziajusia, vašaj dziejnaściu chutka zojmucca adpaviednyja litoŭskija słužby. Bo tłumačyć heta prosta duraściu ŭžo chare», — dadaŭ jašče adzin biełsataviec Źmicier Mickievič.
Sam Dźmitryj Kazłoŭ padtrymaŭ akcyju. Spadabałasia jana i byłomu palitviaźniu Siarhieju Koršunu. Jon miarkuje, što padobnyja fłešmoby treba zapuskać i ŭ Varšavie.
-
Kiraŭnik studyi ZROBIM architects viarnuŭsia ŭ sacsietki paśla zatrymańnia
-
Haładoŭki, pierakulenyja milicejskija mašyny, kroŭ, Jelcyn vyzvalaje palitviaźniaŭ — zhadvajem padziei Čarnobylskaha šlachu-1996
-
Pradpryjemstva pa abychodžańni z radyjeaktyŭnymi adkidami schavała strukturu i štat paśla prychodu dyrektara z KDB
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary