Biznesmien adnaŭlaje siadzibu Radziviłaŭ i adkryŭ pobač łaźnievy kompleks
Za 15 km ad Minska prapanujuć paparycca, jak u 16 stahodździ.
Niejki čas hety majontak za 15 km ad Minska naležaŭ Radziviłam, paśla pierajšoŭ da dynastyi šlachcičaŭ Jelskich. Pry ich u Ihnacičach žyćcio viravała: raźvivałasia sielskaja haspadarka i žyviołahadoŭla, i navat była zakładziena bujnaja prydvornaja kvietkavaja haspadarka.
Da našych dzion tut zachavalisia redkija dla Biełarusi vidy dreŭ. Naprykład, listoŭnica, jakoj biez małoha 200 hadoŭ, raskazvaje STB.
Ale ŭ pačatku XX stahodździa majontak staŭ biezhaspadarnym i pastupova razburaŭsia. Biznesoviec Aleh Skrobaŭ uspaminaje, jak bolš za 10 hadoŭ tamu pryjechaŭ siudy ŭ pošuku pamiaškańnia pad aŭtaservis. Ale, ubačyŭšy sapraŭdy histaryčnuju žamčužynu, vyrašyŭ adnavić siadzibu.
«Jana była ŭ zakinutym stanie. Było ŭ padvale vady pa kalena. Vidać było, što budynak prosta zapuščany. Stała realna jaho škada. Chaciełasia mienavita adnaŭleńniem zaniacca, vyratavać jaho».
Abšarpanyja ścieny, vybityja vokny i dźviery, dach, jaki praciakaŭ, zabityja śmiećciem kominy… Tolki dva hady syšło na toje, kab asušyć zatopleny sklep i pravieści avaryjnyja pracy.
Jak pryznajecca Aleh, za hetyja hady na adnaŭleńnie syšło sotni tysiač rubloŭ. U asnoŭnym usio robić ułasnymi siłami. Razam z rabočymi adramantavali padłohi, zamianili vokny, uručnuju ačyścili draŭlanyja ramy i dźviery. Pastaralisia ŭznavić karcinu taho, jak usio było ŭładkavana ŭnutry siadziby šmat hadoŭ tamu.
«Kali prybirali śmiećcie z padłohi, vyjavili stary padmurak. Było zrazumieła, što heta byŭ kamin. My znajšli staroha piečnika, jaki nam adnaviŭ prykładna, jak jon byŭ», — raskazvaje Skrobaŭ.
Kab choć niejak adbić vielizarnyja ŭkładańni, uładalnik siadziby adnaviŭ łaźniu, jakaja raźmiaščałasia na terytoryi Ihnacičaŭ, zrabiŭšy ź jaje prastorny łaźnievy kompleks i haściavy dom.
Tut možna spynicca i paspytać stravy pa staradaŭnich receptach. U kompleksie prapanujuć paznajomicca ź mietadami parańnia 16 stahodździa.
Łatvija «pa techničnych pryčynach» zakryła miažu ź Biełaruśsiu12
Kamientary