Lichtary jak z 50-ch, ale sa śviatłodyjodami — na praśpiekcie Niezaležnaści mianiajuć aśviatleńnie
Rekanstrukcyju aśviatleńnia na centralnaj mahistrali Minska abiacajuć skončyć u pieršaj pałovie 2026 hoda. Havorka idzie pra ŭčastak ad vulicy Kazłova da Surhanava.
Pradpryjemstva «Hardarbud» praciahvaje rekanstrukcyju aśviatleńnia na pr. Niezaležnaści. Novyja mačty z enierhaaščadnymi lichtarami ŭstaloŭvajuć na ŭčastku ad vuł. Kazłova da vuł. Surhanava, raspavioŭ karespandentu ahienctva «Minsk-Naviny» dyrektar pradpryjemstva Siarhiej Panioŭ.
Staryja apory na pr. Niezaležnaści ŭžo adsłužyli svoj termin, da taho ž vyhladali nieestetyčna z-za šmatrazovaha afarboŭvańnia. Rekanstrukcyja vonkavaha aśviatleńnia pačałasia z učastka ad pł. Niezaležnaści da vuł. Kazłova.
— Zaraz ustaloŭvajem novyja mačty vonkavaha aśviatleńnia na častcy praśpiekta da vuł. Surhanava. Zaviaršyć rekanstrukcyju na hetym učastku płanujem u pieršaj pałovie 2026 hoda. U dalejšym pačnucca raboty na nastupnym adrezku — da vuł. Filimonava. Apory paškodžanyja ahresiŭnymi supraćhałalodnymi srodkami, jakija prymianiajucca dla apracoŭki darožnych pakryćciaŭ. Novyja ž majuć bolš vysokuju stupień abarony ad vykarystańnia takich rečyvaŭ, — adznačyŭ Panioŭ.
Mačty sprajektavanyja ŭ styli 1950‑ch — takimi, jakimi jany pieršapačatkova zadumvalisia architektarami. Niahledziačy na retra-styl, vykanańnie ŭ ich sučasnaje.
— Apory z achoŭnym pakryćciom, naniesienym sposabam haračaha cynkavańnia, estetyčna lepš vyhladajuć i nie zapatrabujuć dadatkovych vydatkaŭ na ich utrymańnie. Źmienicca i samo aśviatleńnie: staryja mačtavyja lichtary z natryjevymi hazarazradnymi lampami zamianiajem na sučasnyja śviatłodyjodnyja, u pryhožych dekaratyŭnych taršerach. Akramia taho, na hetym učastku źjavicca novaja śviatočnaja iluminacyja, jakaja ŭpryhožyć pr. Niezaležnaści, — udakładniŭ Panioŭ.
Pieraklučeńnie aśviatleńnia ź isnujučych apor na novyja zapłanavanaje na najbližejšy čas, paśla čaho padradčyk prystupić da płanavaha demantažu starych mačt.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary
Ličyū ich niekali, jedučy prašpektam u adkryty basiejn, što byū la parku Čaliuskincaū, abo ū sam park, razhliadajučy toje azdabliennie, jakim upryhožana nižniaja častka slupa.
Apošnim razam, pamiataju, jany jašče byli i vykonvali svaje abaviazki...
Ŭsie jak ŭ "tavaryščaŭ" - karupcyjanieraŭ ŭ makćvie dzie kožny hod na adnym i tym da miescy mianiajuć plitku vyvoziačy potym samasvałami.