Bałtyjskaje mora imkliva mialeje — navukoŭcy adznačajuć redkuju klimatyčnuju anamaliju
Bałtyjskaje mora ŭ lutym straciła 275 młrd ton vady — heta redkaja źjava, vyklikanaja mocnymi ŭschodnimi viatrami i parušeńniem cyrkulacyi pavietra nad Arktykaj.
U toj čas jak uzrovień vady ŭ Suśvietnym akijanie praciahvaje pavyšacca, Bałtyjskaje mora ŭ pačatku lutaha straciła kala 275 miljardaŭ ton vady, a jaho ŭzrovień apynuŭsia na 67 sm nižej za siaredni pakazčyk, zafiksavany ŭ 1886 hodzie, piša Jeuronews.
Pavodle słoŭ Tomaša Kijeŭskaha ź Instytuta akijanałohii Polskaj akademii navuk, choć padobnaja situacyja nie nazirałasia apošnija 140 hadoŭ, jana tłumačycca atmaśfiernymi faktarami. «Heta jaskravy prykład upłyvu źmieny klimatu na navakolnaje asiarodździe. Arktyka tut adyhryvaje klučavuju rolu», — adznačyŭ jon.
Čamu vada sychodzić z basiejna Bałtyjskaha mora, kali ahulny ŭzrovień akijana raście? Ekśpierty tłumačać heta spałučeńniem mocnych uschodnich viatroŭ, zony vysokaha cisku i adsutnaściu značnych atmaśfiernych frantoŭ.
«Praciahłyja mocnyja ŭschodnija viatry vycieśnili vodnyja masy praz Dackija pralivy ŭ Paŭnočnaje mora, što pryviało da padzieńnia ŭzroŭniu vady va ŭsim basiejnie», — paviedamili ŭ Instytucie akijanałohii. Pakul zachoŭvajecca takaja mietearałahičnaja kanfihuracyja, vada «ŭtrymlivajecca» ŭ paŭdniova-ŭschodniaj častcy basiejnaŭ, a ŭzrovień łakalna źnižajecca.
Kijeŭski dadaje, što takija źjavy — nie dokaz adsutnaści źmianieńniaŭ klimatu, a, naadvarot, vynik składanych anamalij, vyklikanych, u pryvatnaści, rastavańniem ledavikoŭ u Arktycy.
«Sama źmiena klimatu prajaŭlajecca ŭ šmatlikich pahodnych anamalijach, a nie tolki ŭ ahulnym paciapleńni», — tłumačyć jon.
Pavodle słoŭ daśledčyka, masavyja adchileńni źviazanyja z raspadam palarnaj vichury — cyrkulacyi pavietra ŭ vierchnich płastach atmaśfiery, jakaja ŭtrymlivaje choład u Arktycy.
«Masa chałodnaha pavietra pačynaje «razhiermietyzoŭvacca», upłyvajučy na atmaśfiernyja płyni, — kaža jon. — My žartam nazyvajem heta efiektam adčynienaj ladoŭni: bo kali my adčyniajem ladoŭniu, to chałodnaje pavietra vyryvajecca vonki, i nam stanovicca prachałodna».
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary