Novy hrafik dziejničaje ad siońnia.
U stalicy skaraciŭsia čas pracy płatnych aŭtamabilnych parkovak. Heta praduhledžana rašeńniem Minskaha harvykankama №381 ad 5 lutaha 2026 hoda, jakoje siońnia ŭstupaje ŭ siłu, paviedamlaje BiełTA.
Płatnyja parkoŭki, jakija raniej pracavali z 8.00 da 20.00, ciapier buduć dziejničać z 8.00 da 18.00. Paśla hetaha času parkoŭki, nie abstalavanyja pryładami ŭliku času i raźliku płaty za karystańnie, techničnymi srodkami, jakija pieraškadžajuć vyjezdu ŭ vypadku nieapłaty, prosta pierastajuć być płatnymi. Heta tyčycca ŭsich takich parkovak, akramia parkoŭki na vulicy Zamkavaj.
Pa takim ža hrafiku buduć pracavać i parkoŭki, abstalavanyja nazvanymi pryładami i techničnymi srodkami (akramia parkovak na terytoryi Vierchniaha horada i Trajeckaha pradmieścia). Z 18.00 da 8.00 tam budzie dziejničać panižany taryf.
Jak tłumačyŭ raniej hienieralny dyrektar arhanizacyi «Haražy, aŭtastajanki i parkoŭki» Andrej Zyranaŭ, źmieny ŭviedzieny dla taho, kab aŭtamabili rabotnikaŭ pakidali zonu, a žylcy mahli biaspłatna pryparkavacca kala svaich damoŭ. U ich taksama budzie stymuł prybrać aŭtamabil paśla 8.00, kab vyzvalić miesca dla inšych udzielnikaŭ darožnaha ruchu.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy25
Kamientary